自殺以後，進入了RPG的世界: 女王……

打開技能樹先。
無咩特別，都係升下技能咁。
技能可以用技能樹一步一步咁升上去。
好似[蜘蛛鋼絲]可以升上去做[蜘蛛結界]。
只要消費技能點數就可以學到新既技能。

其他技能都有得升，不過暗影長槍已經係果列技能入面最高級既技能，無得再升。
似乎，都無乜技能好用。
咦？





我有招技能叫時間干預。
[時間干預:使一個敵人時間暫停3秒]
再升上去係逆時間干預。
[逆時間干預:使自己的時間加速3倍]
再升上去係時間暫定。我諗佢係打錯字，應該係想講時間暫停。
[時間暫定:使整個世界的時間暫停5秒]
最特別既係最後面果個，時間暫定再升上去既唔係普通既技能。

特殊技能，時間魔法。
[操縱時間。]




再一次證明情報掌握係無用既，講D唔講D。
不過，時間魔法，應該係同空間魔法對立，好似幾得意，一定要升左佢先。
睇下先，將時間干預升做逆時間干預要5點技能點數。
依家我一點都無。
話說，技能點數點拎？
[升級，還是得到其他獎勵]
好廢呀！成日都講到唔清唔楚！
算啦，都係自己摸索出黎啦。

不過，依家既我，係森林入面都無野好做。




如果用蜘蛛女王型態既話，其他怪物都唔敢接近我。
如果換做黑暗精靈型態，班怪就追住我黎打。
算啦，都係換做黑暗精靈，四圍行下先。

然後，我發現左一樣特別既野。
就係用人型態打怪既話，怪死左之後，係會跌道具。
熊的毛皮、野獸牙齒、冒險者手套、短劍、蟲卵。
全部都係奇怪既野，除左手套之外都無乜用。
手套睇黎都係D好廢既道具。
不過，道具對我都無乜用，雖然我可以著手套，但係蜘蛛女王型態係用唔到。
明明有手，可以著，但係著完之後食唔到手套既BUFF，咩道理？

硬係覺得好無聊咁。
呢片森林真係好弱。





「就係你？」

有人黎撩交打？

【森林之王】 獅鷹獸-格里風 LV76

HP:89344
MP:67237

力量:2864  敏捷:3047
防禦:2647  魔力:2634

「你就係入侵者？黑暗精靈！」獅鷹獸飛左落黎，對我咆哮。

好大隻，大概有一架巴士咁大。





「就係佢啦，打低佢啦！哈哈！」
獅鷹獸上面有個人。

【女王】 蝴蝶女王-線蛺蝶 LV80

HP:86482
MP:165521

力量:3152  敏捷:5249
防禦:2041  魔力:5675

「收聲。」
獅鷹獸掟左佢落黎。
「喂喂！好痛呀！呀！自我介紹先，佢係呢片森林既主人，而我，我係咩？」




眼神呢隻蝴蝶，應該話係一個白皮膚金髮背脊生左蝴蝶翼既女仔，係到自我介紹。

「我係森林既主人，獅鷹獸-格里風。而佢係呢片森林既守護神，蝴蝶女王-線蛺蝶。你闖入黎，殺死我既手足係咩回事！」
雖然自稱係神，但係一睇就知佢唔係GM囉。
至於，係咩一回事，我應該點答呢？
變型！蜘蛛女王！
開戰！

「你想點！」獅鷹獸咆哮。
蜘蛛結界！
封鎖左佢行動先！

獅鷹獸弱過我，大概係去到第6層左右既程度。
依家既我，係點都唔會輸。





「憤怒爪擊」
郁唔到既獅翼獸係到發癲揮爪。

試下技能先。

黑暗飛彈！暗影長槍！
哇，幾擊就扣左佢成萬幾血。
蟲洞呢？飛左粒蟲洞過去，爆炸，六、七千血。

獅翼獸飛左上天。
然後，俯衝落黎。
蜘蛛魔眼，用魔眼代替毒牙真係好方便。
只要望住佢就毒到佢。
佢差唔多飛到落黎，我就時間干預佢，企左係佢上面。

一面倒。
速度唔夠我快，力量唔夠我強，控場技能又唔夠我勁。
就死啦。

「呀呀呀……夠啦夠啦！治療魔法！你唔夠佢打架啦，格里風！」蝴蝶女王飛左埋去治療佢。

好弱。
唔係，唔係佢弱，係我太強姐。

「所以呢？係你同我打？」我問蝴蝶女王。

「咪住！我唔識同人打！我投降！」
咦……
咁你地出黎係為左乜？
應該話呢一章，成章都好似係無意義咁……

「其實，我係想同你結盟！我地三個人，守住呢片森林啦！」
蝴蝶女王飛左過黎，握住我隻手。
好近……好大……好大……

「最多咁啦，以後隻狗就跟住你！我，你，同埋蜜蜂女王，三個人一齊守護呢到啦！」
好大……

「好我唔係狗囉！」獅鷹獸大叫。

好大……
「HELLO？」
「呀！SORRY！你岩岩講咩？」
「我話，我地三個一齊守住呢片森林啦！」
「OK！」
好大……