自殺以後，進入了RPG的世界: 圍毆

「等等先！發生緊咩事！咦？果個係魔王大人？做乜趴左係到既？巨人領主呢？仲有果個食屍鬼呢？仲乜多左隻怪物係到架？發生緊咩事呀呀呀呀呀！」

然後，有條友番番入黎，好驚青咁亂咁大叫。

「魔王大人呀呀呀呀呀！」
排骨走過去，扶番John起身。

「等陣先！」
我大叫，太遲啦，排骨比隻怪物攻擊！





「暴風射擊」
魔法反制！
好險！其實我做乜要救佢？

「發發發生緊咩事……」排骨仲係到發牛豆。

暗影長槍，依家唔係理排骨既時候，要同隻怪物打。

「係你迫我架，怪物。雖然數值上差好遠，但係等我話你之，呢個世界上數值唔係決定一切……」
排骨比佢打中，重傷。




做得好！幫我擋左一刀！

我跳左上去，用蜘蛛毒牙攻擊。

「驅魔之風」
又黎解毒？無用架！
我再咬！
只要我撲左上去，佢就比我任咬啦！

「暴風結界」




魔法反制。
唔可以比佢拉開距離，只要打埋身戰，我既贏面就大好多。

「暴風斬擊」
避開！
邊有咁易。
硬食。

唔得呀！
我咬緊牙關，企穩，再黎！蜘蛛毒牙！

然後，排骨掟左枝野過黎，打中怪物，係之前強化毒傷害既道具。

「上啦！雖然我唔知你係邊個，但係靠你打低過啦！蛛女！」





怪物想甩開我，但係我用蜘蛛結界綁住自己，癡實自己係佢身上。
魔法反制集中黎對付佢既驅魔之風，點都唔可以比佢解除毒狀態。

問題就係，怪物會斬我落黎。
不過，排骨總算發揮左少少作用。
佢不斷開技打亂怪物既節奏，唔比佢打我落黎。

「靈魂收割」
排骨開技攻擊，怪物既HP得番好少咋！
仲有3萬左右！
再過15秒，我既猛毒就可以殺死佢。

「暴風結界」
太大意啦，突然間佢開技，將我地壓到十幾米之外。
埋唔到身蜘蛛毒牙。




今次大獲！

「暗影長槍」
暗影長槍！
我同排骨同時用暗影長槍攻擊，打中左，扣左3000血。
仲差好多！

好快！佢離到我地身後面。
「暴風斬擊」

蜘蛛結界！

「等等陣先呀呀呀……做乜推我去送死死死死死呀！」

我用蜘蛛結界同時束縛住排骨同怪物，排骨避唔開，硬食，HP見底。。




係機會啦！排骨。

兩個人都郁唔到。
但係，勝負已分。

生命連動。
我幫排骨補血。
而排骨就用毒黎攻擊。
加埋道具，佢每秒扣到1000HP，相當於我既猛毒，不過，已經足夠啦。

「靈魂收割」
排骨開埋最後一擊，收拾怪物。
你都傻既。
魔法反制。





「又點呀你！」
排骨又鬧我。

暗影長槍。
一槍貫穿怪物既身體。
[等級上升至LV85]
[可以進化]