自殺以後，進入了RPG的世界: 領主（笑）

「你⋯⋯強到唔正常。」
惡魔咁樣同我講。
廢話，我話哂打滾左咁耐，點會得D三腳貓功夫。

惡魔所用既武器係弩槍，攻擊力唔高，但係連射力強。
佢一瞬間拉開左距離，用弩槍攻擊。
係蜘蛛既世界入面，無論點樣走都係無意義。
無論去到邊，蜘蛛都有把握捉到你。

蜘蛛結界。




綁左佢，再用暗影長槍！

佢口吐鮮血，跪係地上面。
呢隻惡魔的確係好強，起碼去到領主既級數。
不過，係魔物既世界入面，根本就係好弱。
唔好講水元素、土元素，就連地下城入面第三層既小王，都勁過你。

所以⋯⋯
突然間，排骨飛左過黎。
吓？唔係掛，比人打到飛左起身？




你假假地都係領主黎架喎，爛船都有點3粒釘啦！

重傷既食屍鬼，拎住斧頭行左過黎。
領主喎（笑）。

唔係，雖然排骨打到好樣衰，但係實際上呢場戰鬥係排骨有利。
食屍鬼出現左一系列既負面狀態，好似係毒呀等等。

算啦，交比我⋯⋯





「麻醉射擊」

[麻痺]狀態。

可惡⋯⋯

忽然間，惡魔拎左本書出黎。
想點？

「你的確係幾勁，淨係用暗影長槍已經壓制住我（注：同人打交我都係得暗影長槍比較實用），我承認你係好強，但係，巨人領主，你玩完啦！」

出現左魔物！

幼龍 LV1





HP:14019
MP:16104

力量:1319  敏捷:1219
防禦:910  魔力:1299 

哇！佢叫左隻龍出黎幫拖！
明明只係隻BB，但係已經有咁既STATUS，龍種大撚哂？

條龍係到咆哮！
襯惡魔得意忘形既時候，用暗影長槍殺左佢。
傻仔。

[等級上升至82]
久違既升LV，不過作用唔大。





「幾犀利喎！巨人！不過，我同巴巴托斯完全唔同！驅魔之風！」
食屍鬼行左埋黎，解除哂負面狀態，果然排骨真係無撚用。
「你知唔知我係邊個？我係傳說中既一百年前既不死族領主，依家魔界既領主，差唔多有四分之一係我帶兵打番黎，同你後面果件垃圾唔同！」

「可惡呀！食屍鬼就交比你，條龍就由我黎⋯⋯」
排骨比條龍打到飛左出街，應該飛左幾百米到啦，暫時都唔係番到黎。

好，係時候郁下啦。
蜘蛛結界！

「講左負面狀態對我無用啦！」
食屍鬼解除左束縛，衝左上黎！

好快！




你以為我會咁講咩？

暗影長槍，直接命中。
由於被動技能[毒性附加]既關係，佢中左[微毒]。
毒效果係屬於負面狀態。
不過，佢唔係被動技能免疫負面狀態，而係要靠主動技能黎解除狀態。
我睇準果個時機，用毒素激發黎連擊。
然後，一腳踼開佢。

生命連動。
我再係咁吸佢血。

「你⋯⋯」
佢好驚訝咁望住我。





火流星雨。
就好似之前隻火龍王咁，我既上空出現左無數既魔法陣。
每個魔法陣都變左粒殞石，同時打向食屍鬼。

「無可能架⋯⋯明明係用暗影系既上位技能，居然仲有到火焰系最上位既技能⋯⋯呢個世界應該得一個人做到，莫非你係卧底？你係大賢⋯⋯」

當然係無可能啦。
我係用幻影魔法令佢以為我用左呢招姐。
打從一開始，你中緊幻影魔法既時候，你就無可能打贏我。
所以，理得你咩人都好，你就死係呢到啦。
暗影長槍。

[等級上升至83]

「巨人族領主，你究竟係咩人？點解你要一直都阻礙住我！」

BOSS正式出場。
企係哥布林後面既係⋯⋯
偽魔王。