自殺以後，進入了RPG的世界: 意粉

我番番黎香港，究竟係為左D咩？
雖然係一隻垃圾GAME，但係我都係想留番係果個世界多D。
因為，香港係一隻更加垃圾既GAME。
反正，香港都有一大堆人開外掛。
就連遊戲既管理員，香港既管理者，都係幫緊D開外掛既人。
This is Hong Kong.

LIFT門打開，行多幾步，黎到屋企門前。
毫無意義既門口，反正門既後面同出面既世界都係一樣。
都唔係我既歸宿之處。





嘆左一口氣，推開門。
反正，呢個鐘數，門後面都係無人架啦。
無人仲好。

一打開門，我間房既門突然之間「砰」一聲咁關左。
咦？
賊人？
有人係屋企？
娘親返左屋企？




無⋯⋯無可能⋯⋯
咁，邊個係我間房？

頭痛⋯⋯
我記憶入面既1月26日，發生左咩事？
一片空白。
我明明諗得番25號同27號發生左咩事，但係對26號完全無印象。
點⋯⋯點會咁？
好⋯⋯好奇怪⋯⋯
異樣感。




不安⋯⋯

冷靜少少。
留意下四圍有咩唔同先。
可惡，依家既我唔係蛛女，只係一個人類。
唔係STATUS既世界。
吞口水。
咦？
枱上面，有⋯⋯

肉醬意粉？
吓？
一時之間破壞哂成個氣氛。
⋯⋯





究竟，係咩人⋯⋯？

「咪郁！」
突然之間有把聲音。
係⋯⋯？

「你⋯⋯你⋯⋯你⋯⋯你係邊個？」
我亂叫。

「我⋯⋯我係，無錯！我係飛天意粉神！」

吓？
意粉神？
咩咩咩咩咩咩事？
完全唔明發生緊咩事？





「唔⋯⋯唔明？好簡單姐。我換個講法你就明架啦。你仲記唔記得咩係外神？」

外⋯⋯外神？
吓？
外星人？
佢曉讀心⋯⋯

「外，星，人？對你黎講，應該唔係外星人。」

咩意思？

「好簡單架姐，你諗下就會明。而我，就係外神之首。我就係統領哂所有外神既人。」

咩，咩話？




係係係係，最終BOOOOOOOSS？

「之前果個阿布唔知乜春係咪問過你既？你，撐邊邊？我地，定係天照果邊？當然啦，你幫我地既話，你將會得到你想要既一切。係囉，大約係咁囉⋯⋯總之有好多好處⋯⋯你明架啦⋯⋯」

呢個最終BOSS真係毫無緊張感。

「然後，我再問多你一次，你會選擇邊邊？我會根據你既答案決定會唔會殺左你。（笑）」

殺左你。
輕描淡寫咁講。
但係，呢句說話充滿分量。
呢個唔係選擇題，而係迫你一定要幫佢。
可惡⋯⋯

「我拒絕。」





呀！
我開始後悔。
其實我⋯⋯我只係懶型想咁樣回答，我⋯⋯我仲唔想死呀呀呀呀呀。

「講得好，咁先係你架嘛！」

係鬼！！！
點解⋯⋯
衰口多姐！
當我無講過！

然後⋯⋯

我死左。
完。