自殺以後，進入了RPG的世界: 最衰我係靚女

個肚好痛……
痛左我幾日，唔惦，好痛……
果然我係個靚女。
呢個世界睇黎我係唔會屙屎既。
不過，換黎既係痛足幾日。
唔惦，一日最衰都係之前果隻蜘蛛人形爬行怪物，好辛苦打贏左佢，就梗係開餐架啦，點知食完搞食咁。

[腹痛(3小時):STATUS下降]

最搞笑既係，肚痛都係種狀態。




唔惦，真係好痛，我依家一路打字一路痛緊。
仲有三個鐘，挨多三個鐘就無事架啦……

因為肚痛既關係，呢幾日我都匿埋左，無乜點出去狩獵。
不過所謂既狩獵，我都唔知有咩打得贏，打果隻人形蜘蛛或是有勝算既，不過唔可以當飯食囉。
慢一又有飢餓狀態又點？
我發覺左我有一樣穩藏技能，就係預言。
好神奇咁，我又得到左[飢餓]狀態啦。

頂……




我勉強忍住肚痛，走出去狩獵。
有咩打得贏呢？除左果隻人形蜘蛛，我真係無咩勝算。
唉，試下打微型蜘蛛啦，不過都係唔好，STATUS高到鬼咁。

算啦，等到肚痛完左，我再慢慢搞啦。
依家既我匿係幾舊石後面，等運到。
不過，唔會有咩怪物出現突然間襲擊我掛。
呀！
出現了！
係好核突既怪物！




又開口中啦！屌！

一隻怪物爬上左舊石到望住我。
蜘蛛咁樣既頭，做乜又係蜘蛛，我受夠啦！
一見到佢個樣就心寒，好核突囉！
佢爬左落黎，望住我。
蜘蛛咁既頭，諗住係蜘蛛型生物啦，仆街，點知原來螳螂，心口有幾把鐮刀。
你以為佢係螳螂？呀，又點知佢腹部又係蜘蛛喎，又有堆蜘蛛腳柒下柒下咁。
你以為佢係蜘蛛？呀，又點知佢又有條尾喎，蠍子咁樣既尾。
一句講哂，四不像，柒下柒下既核突怪物。
睇下佢STATUS先。

奇美拉蟲 LV49

HP:5100




MP:5236

力量:504  敏捷:520
防禦:443  魔力:519

奇美拉蟲？咪同我同種族？
睇番自己STATUS先。

奇美拉蟲 LV26

HP:3781/3819
MP:3782/3820

力量:391  敏捷:425
防禦:347  魔力:391




[飢餓][腹痛]

唔好咁啦。
差咁遠架……
真係打得贏咩？

佢展開攻勢啦！係蜘蛛絲！
我咁就中左。
佢用蜘蛛牙攻擊。
蠢材！我同你一樣都免疫毒攻擊架！
傻仔，不過睇黎呢個世界D生物都好鬼蠢。
然後佢用蠍尾攻擊。
都講左啦，毒係無效架。
然後，佢就仆左街啦。
基本上，之前我實測過呢招蠍子毒尾，睇說明係唔錯既招式，但係奇美拉蟲用就好ON9。




如果對住前面既敵人用既話，自己個頭好阻到隻尾攻擊，都唔係大問題。
用條尾攻擊既話，實際上就會前重後輕，重心去哂前面到，然後就會仆街。
係好ON9既設計。
所以佢咁就仆左街食泥啦。

傻仔！
到我啦！
蜘蛛鋼絲！繼續食泥啦你！
螳螂之鐮！
不過，除左螳螂之鐮之外，我都無咩輸出，其實佢免疫毒攻擊，我所有技能都廢哂。
唔理啦，反正蠍尾唔單止可以毒人，而且物理輸出都好高，就用蠍尾攻擊啦！

係喎！仆街！到我食泥。
不過，佢都好蠢，趁我食泥既時候，佢又用蠍子毒尾，又食泥啦。
其實奇美拉蟲食緊泥既話基本上無哂招式可以用，毒素激發呀、蜘蛛毒牙啊、蜘蛛鋼絲啊、螳螂之鐮啊，呢到全部集中哂係頭部都胸部。




呢幾招全部都係前面攻擊既，食緊泥既話，全部都用唔到。
所以我用蜘蛛鋼絲綁起左佢，然後用螳螂之鐮慢慢扣佢血。
好廢，好彩呢個對手係弱智架姐。
好，咁就殺左佢啦。
食左佢啦，應該唔會肚痛掛。
[進食奇美拉蟲會機率進入腹痛狀態]

屌！唔早講！食左先黎講！
[腹痛(3日)]
屌你，咁你食左我都肚痛架啦，你無啦啦打我做咩呀仆街！