自殺以後，進入了RPG的世界: 三人行會撞到大師焉
呀！
呢到係邊到？
頭先我應該轉移番去首船到，但係好明顯呢到唔係暴風龍巢穴。
[人類聯盟，白銀森林]
呢到四圍睇落係個碼頭，比森林包圍住。
森林有條路，好明顯就係通去城市。
呢到唔係好多人，都係有幾個人係到搬下貨啊，做下守衛咁。
我去左魔王城應該都只係幾個鐘姐，無理由咁快番到黎人類聯盟既領土掛。
不過細心一諗，打機果陣LOAD入副本就算LAG機都係幾分鐘姐，都好正常。
咁就……我落番地面先，唔好比人察覺。
出符意料地，班人係廢既。
居然咁大條蟲走落街都無人見到。
森林都係幾隻貓咁，無咩特別既怪咁。
起碼無龍啦，無龍已經謝天謝地，我唔想再見到果D十幾萬數值既怪物。
呢一區D怪物都係十幾二十LV到，岩哂我係到升LV。
升LV係必要既。
呢個世界LV就係一切。
首先，我去殺幾隻貓先，咦？
綠色既野……哥布林？樹後面果幾隻係咪哥布林黎架？
哥布林應該係敵對勢力黎架喎！
有間諜入左黎都唔知，我真係對人類既前途感到憂心。
係時侯盡下做勇者既責任啦。
我慢慢咁走到去佢地後面，佢地一共有三個人，弓手、法師、戰士。
係一個小隊。
哥布林-哥倫比亞 弓手 LV8
HP:812
MP:726
力量:76 敏捷:91
防禦:76 魔力:76
好低LV。三個人LV都差唔多。
哥布林數值好明顯比起人類或者其他生物弱。
即使係咁，三個人一組都好麻煩。
STATUS上我有優勢，但係一對三將會對我不利。
戰、法、弓。
雖然唔確定呢個世界法師可唔可以幫手補血，不過就算無得補血，淨係做支援已經夠死。
如果係哥布林既話，我一定會派個戰士出去做坦，然後弓手、法師瘋狂開技轟炸。
所以，必須要注意戰士。
但係，呢到唔係打機世界。
就算仇恨值再高，我都唔會淨係攻擊戰士。
不過，一但比戰士捉住都好麻煩。
依家我最大既優勢係敵人仲未注意到我。
我有主動權，我可以發動奇襲。
一擊之內，殺死戰士。
無可能。
咁最少束縛住佢行動，再戰火法師。
殺人？
我猶豫左一下，哥布林唔係咩怪物，咩魔獸，係人。
哥布林係呢個世界同人類一樣，都係有血有肉既人。
殺人。
殺人？
有咩問題。
反正我都唔係第一次殺人啦。
以前果個世界，我已經殺過一次人。
自己。
我笑左，再深深呼吸一口氣，然後出擊。
蜘蛛毒牙！
我黎到法師後背，放毒攻擊。
戰士見到之後，立即行動。
邊有咁簡單！
蜘蛛鋼絲！
雖然得五秒，但係好成功咁束縛住佢行動。
然後，螳螂之鐮，對住法師展開攻擊。
但係，弓手比想像中快，居然黎到我身邊用小刀擋住我既攻擊。
嗚，雖然佢擋唔到好多傷，但係避開左致命一擊。
唔得，戰士可以黎啦。
麻煩啦，果然實戰同預期差好遠。
我一後退，法師開始施展法術。
可惡，匿入森林先。
呀，中箭，腹部中箭。
受到既傷害唔係好多，但係好痛。
可惡啊，使唔使咁痛呀！
弓手比想像中勁。
與其話係弓手，不如話係盜賊，不過呢個世界無盜賊呢個職業。
速度係佢最大優點。
同法師唔同，弓手移動速度非常之快，技能雖然無法師咁高威力，但係勝在出技時間同冷卻時間都比較快。
弊！戰士追左上黎。
蜘蛛鋼絲！
可憐既戰士又比我束縛住左。
但係呢個時候，弓手黎到我後面。
佢用刀刺中我腹部……
毒！
把刀有毒！
然後，我見到前面，係法師！
火球直接打中我塊臉！
好熱好痛，呢個時候唔好理呢D啦，即刻睇下自己仲有幾多血先！
HP:728/1516
一半以下。
仲要有毒狀態，係咁扣血。
可惡！
弓手退後，即刻連射幾箭！
好快！
但係好睇敏捷:162既我啊！
對面法師已經無血啦，係時候啦！
螳螂之鐮，即刻衝左上去，用鐮刀重創法師！
但係呢個時候，戰士去左我後面，用刀斬傷左我。
啊……
我一另轉頭，即刻比弓手用箭HEADSHOT。
嗚，死唔去，不過，戰士係我面前！
走啦梗係！
小隊比想像中勁。
好彩佢地唔夠我快！
好彩姐……啊，我又硬食火球！
咁都唔肯放過我？
弓手黎到我面前！
係機會！
螳螂之鐮！
蠢材，居然追上黎！
以我依家既HP，就算硬食多一下火球都可以根性死唔去。
而戰士已經無可能追上黎。
前面既弓手只可以任我魚肉啦！
蜘蛛毒牙！
望住弓手係到掙扎既樣真係大快人心。
要怪就怪自己蠢啦！
呢個就係STATUS上既差距！
單挑我絕對唔會輸！
火球黎啦！
我用鐮刀刺穿左弓手既身體，再拎佢黎擋火球！
爽啊！
弓手已經無乜血，HP得番個位數字。
法師係到喊。
戰士係到咆哮。
流哂血既弓手係到掙扎求存，大概係希望我放佢一馬啦。
傻西瓜，怪物無智慧既，你求怪物放過你有咩用呀。
我笑一笑，放低左佢。
然後猛毒發作，弓手最後一滴血都無埋。
死左。
我笑左。
法師驚到坐左係到，戰士唔理直接衝上黎。
蠢材，就算我就番一半血以下，我既STATUS都勁過你好多！
去死啦！
絕望既法師只可以坐係到，望住一個又一個既同伴死係佢面前。
悲哀哦。
我走左佢面前。
佢只可以喊哂口面望住我。
要怪就怪你既同伴有勇無謀啦。
哈哈。
[等級上升至LV11]
終於都升LV。
血又回滿，真係爽。
唔，肚餓，醫肚先。
可惜無火，唔係既話試下哥布林BBQ都好。