自殺以後，進入了RPG的世界: 神作

「一切都搞掂？」

係，一切都終結咗。

「真係漫長。」

係啊，好漫長。

「所以蠍子仔就係海龍王本人？」





係，溫蒂妮死咗之後，我剝奪咗佢記憶，等佢再一次轉生。

「你都幾壞？」

同你差唔多。

「我係至善嘅女神。」

咁我就係邪惡嘅外神。





「咁以後咪得返你一個囉？」

仲有你嘛。

「你咁講我會怕醜架喎。」

仲有蝴蝶嘅。

「你唔講埋呢句就真係完美了。」





吃醋？

「梗係啦，小蛛蛛你一腳踏兩船！衰人！」

我，真係咁衰咩？

「事實係。」

真係直接。

「你做過咁多傷天害理嘅事，話你好人你都唔信啦。」

的而且確。

「所以依家要懲罰你，你要作為神，好好咁同我一齊管理世界！」





你唔攰架咩？一年三百六十五日都咁樂天，咁hyper，同埋管理世界呢種事究竟有咩意義？作為至高存在嘅我哋，有必要受到呢啲事束縛咩？

「攰？點會攰啊？唔好將我同你呢啲陰沉型角色比囉，我係人見人愛，終極嘅女神大人！」

哦。

「哇，好冷淡。笑多啲啦，smile！一二三笑！」

......

「講開又講，銀鑰匙究竟係咩嚟？」

召喚異界之物......其實咩都無，只係比佢哋繼續生存落去嘅藉口姐。自稱有樣咁嘅嘢，咁佢哋咪可以生存耐啲。





「唔似你嘅作風喎。」

咁我嘅作風係咩？

「見人就殺嘅惡鬼！」

我係惡，不過係神，唔係鬼。

「咁個世界最後點？第三次世界大戰？核戰爭？」

係，但人類並無滅絕，幾億年後人類恢復返文明，再次掌控世界。

「之後呢？」

唔重要啦。





「咁又係。」

而惡魔見到核戰爭搞成咁，都放棄咗嗰邊嘅世界。加百列佢哋都係繼續無為而治。

「但阿斯塔錄班人，喺呢邊都安份。」

係，仲以為佢都係殺我，想搶權限。

「唔好將個個人都當係你假想敵先得架，大家其實都好nice的。」

或者，由一開始大家都唔係敵人。

「如果你唔發癲四顆搞人嘅話，其實無咁多人想打你。」





怪我囉？你係我老母？

「我係你老婆。」

哇，自我意識過剩嘅癲婆。

「隨得你點講，哼！」

但一切都完喇。

「自從你轉生過嚟呢個世界之後，將成個世界搞到一獲泡。」

無計，隻game太垃圾，管理員又咁撚樣。

「到依家，你都覺得係垃圾game?」

當然。

「既然係咁，就由你嚟管理，將呢隻game變成神作。」

我笑一笑。
你都係想偷懶姐。

—————完—————