自殺以後，進入了RPG的世界: 最終的選擇

落雪。
細雪如雨一樣落下，慢慢將森林染成雪山。
而我既身體亦隨之而變成白色。
究竟過左幾耐？
一個鐘？一日？定係一個月？
我都唔知道。

係，我既所作所為一切都係無意義既行為。
我只不過係個普通既NPC。
無論點都好，我都只不過係棋盤上既一隻棋子。




唔係國王，亦唔係皇后。
唔係車，亦唔係馬。
唔係飛車，亦唔係龍王。
更加唔係對奕既兩位棋子。

好攰。
算啦。
一切都算啦。

呢個時候，我聽到有腳步聲走近。




懶得回頭。
亦唔想回頭去望究竟係邊個。
無論係邊個，都無所謂啦。
反正，一切都係無意義。

努力唔會得到回報。
一開始已經注定左你係邊個。
你係咩人，你來自哪裡，你去邊度，都一開始已經比人注定左。

劇情再推進落去並無意思。




我既故事，不如就到此完結啦。
想完結？
都唔得。
因為已經注定左。
我既生命唔會係呢一刻終結。

可笑。

係邊個決定呢一切？
係神？係天照？係蜘蛛？
係命運？係劇本？係世界？
但絕對唔會係我。

「你，唔想打破命運？」





腳步聲主人開口說話。

當然想打破啦。
但係打破呢個行為根本就絕無意義。
一黎根本打破唔到。
二黎打破命運或者都係「命運」本身既旨意。
姐係話，只要一切隨緣就得。

哈哈。
可悲。

一瞬之間，滿地冰雪化成水，然後升上天空。

「弒神啦。」





我轉頭一望。
白雪。
仇人？
敵人？
但係無論點都好……
都無所謂。

「殺死蜘蛛。」

殺死……蜘蛛？

「加入我地啦。」
白雪再開口講。

「向命運作出最後既反抗。」





要背叛蜘蛛？
要加入惡魔？

我……應該點做？