自殺以後，進入了RPG的世界: 魔物大戰

並唔係贏唔到既對手。
我仲有勝算。
即使我HP所餘無幾，但我都仲係見到曙光。
我可以重創到佢。

烏鴉拉開左距離。
佢眼神好似講既「一時大意」。
之後，佢會認真。

很好。




我都會用盡全力去接你下一招。
我大概已經摸清楚你個底細。
佢只不過得個快字。
佢睇穿我動作既破綻，再攻擊我既空隙。
黎黎去去都係呢招。
換言之，我只要整個陷阱出黎，令佢中伏就得。

故意露出破綻，再用蠍子毒尾攻擊。

「暗影長槍」、「死亡之鉗」




我同時放出兩招技能。
毒尾同雙鉗同時施放攻擊。
如果係佢，一定可以輕鬆避開我呢招。
然後搵機會埋身，再用好強既技能攻擊我。
埋身既話，就係機會。
我既技能「蠍子之火」可以全身自燃。
只要佢一埋我身就會比我灼傷。
就係睇穿佢灼傷既果一下破綻，用毒尾攻擊佢。

計劃完美。




佢消失左。
避開左我兩招技能。
然後黎到我身後。
係機會——

「蜘蛛結界」

咩話？
綁住左？
我比蜘蛛絲綁住左？

「鳥之幻像」
烏鴉又再消失左，蜘蛛絲無辦法束縛到佢。

蜘蛛女王。




蜘蛛女王突然間出現係戰場上面。

「點解你會係到？」
我好驚訝咁問佢。

蜘蛛無回答我，只係冷冷咁走過黎。
「放左佢。」

「咩意思？放過佢？我拒絕。你知唔知佢做緊咩？」
烏鴉開口說。

「唔放，打你。」
蜘蛛繼續用奇怪既語言講野。

烏鴉擺弄手上既日本刀，然後用刀指向蜘蛛。




「本來我唔諗住插手，但你實在睇唔過眼佢既所作所為。蜘蛛女王……估唔到呢個世界上居然仲有蜘蛛型既魔物，我以為已經全部滅絕哂添。」

蜘蛛無再開口講野，舉起手。
「暗影長槍」
打唔中。
烏鴉轉身就拉近距離——

唔係掛，就算係魔物之王，都無可能贏到管理員啦。
只要管理員落個命令，烏鴉就即刻灰飛煙滅。

斬中左。
一刀係蜘蛛既上半身個肚到留左條血痕。
無用管理員權限？

蜘蛛一負左傷，即刻退後幾步。




但係論速度，烏鴉遠遠係蜘蛛之上。
「蜘蛛結界」
「鳥之幻像」
相信係一招免疫束縛既技能。
烏鴉飛到去蜘蛛既頭上面。

「斷頭一刀」
一刀由上而下，斬首！
好犀利，只只係短短幾招，就壓制住蜘蛛黎打。
蜘蛛仲脆過我，好快已經紅血。

但係，殘血先係戰鬥既開始。
我都同蜘蛛女王（蛇）打過，知道蜘蛛女王有個好破格既技能。
只要造成傷害，就可以回復等量既生命值。
而最恐怖既係，蜘蛛女王有個叫「蜘蛛魔眼」既技能。




只要望住對手，就可以造成猛毒既效果。
姐係話，每秒由烏鴉身上，轉移1%HP落蜘蛛到。

呢場戰鬥，將會係場苦戰。
而我……仲比蜘蛛網束縛緊。