自殺以後,進入了RPG的世界: 蛇與蠍子
蛛女擬尾蝰。
又黎到BIO堂既時間。
呢個世界(當然唔係RPG世界)有種生物叫做蛛尾擬角蝰。
簡單黎講,係蛇既一種。
最特別既地方係,蛇尾果到既附屬結構令到蛇尾睇起上黎好似蜘蛛。
從而去引誘捕食蜘蛛既生物。
「殺左佢,阿南西。」
阿斯塔錄宣告。
惡魔魔王……大蛇即刻望住我。
不寒而慄既感覺。
尾巴末端就只係隻大蜘蛛,蜘蛛女王下半身。
但係上半身就係條巨蛇。
正好可以同旁邊既風、海兩大龍王形成對比。
兩大龍王都變成左龍型態,係天空上面撕殺。
風龍全身都係羽毛,前半肢進化成羽翼,係典型既雙足飛龍。
海龍全身都係龍鱗,體型比起風龍略小,但係身體就非常之長,就好似係條海蛇,亦都似係東方既青龍。
而眼前既惡魔魔王,上半身既體型幾乎有海龍王咁大。
係我驚訝之際,佢衝入ICU攻擊。
大獲!
反應唔切。
一瞬之間,蝴蝶停止左呼吸。
跌左落地。
死左。
死左。
死左。
大快人心?
「殺埋佢,阿南西。」
阿斯塔錄繼續命令。
殺我。
大蛇望住我。
「我本來都唔想殺你,但係對唔啦!」
大蛇一下撲埋黎。
好快!
同身型不符既極高速!
「次元障壁」
約翰開技幫我擋左呢一下。
好險。
但係呢個時候我聽到聲巨響。
風龍王跌左落地,我差D以為係地震。
「約翰,你去幫風龍王,條蛇就由我黎解決!」
約翰停左係到兩秒,之後點頭。
消失左,又出現左係天空。
「魔法衝擊」
「顧掂你自己先啦,蠍子仔。」
大蛇又撲埋黎。
情報掌握!
雖然好少用情報掌握,但係比我確認下佢有咩技能!
[黑暗飛彈:發射複數的飛彈攻擊敵人,每發飛彈造成小型黑暗傷害]
[暗影長槍:向單體投擲用暗魔法制成的長槍,然後造成大型黑暗傷害]
[蜘蛛結界:以自身為中心,為一定範圍內的生物賦予束縛(5秒)狀態(魔物技能)]
[魔法反制:目標施展魔法型技能時,將其魔法效果取消,而消耗的MP不會回復,冷卻時間不會減少]
[死亡踐踏:對近距離一個目標造成中型物理傷害(魔物技能)]
[大蛇撕咬:向前撲擊,造成大量物理傷害(魔物技能)]
[烈焰吐息:噴火,對前方複數敵人造成大量火焰傷害,然後賦予燃燒(8秒)狀態(魔物技能)]
[狂戰士之怒:自身血量減少一半,下一次造成的傷害提高33%]
[型態轉換:轉換型態]
被動技能:
[生命吸取:當你造成傷害時,為自己回復等量的HP]
[毒素免疫:自身免疫毒狀態]
技能大致上同蜘蛛女王相同,有幾個技能係蜘蛛有佢無,有幾個係佢有蜘蛛無。
呢到並唔係RPG世界,無STATUS呢樣野。
依家睇既,只係睇下邊個既牙齒硬D。
技能效果都會變得唔同。
麻痺唔係幾秒郁唔到,而真係會中麻痺毒。
所以我既麻痺毒針可以話係隱藏既殺著。
佢免疫毒素,毒雖然唔會致佢於死地,但會有好強烈既麻痺效果。
我親身體驗過呢一點。
但係佢本身都有異常狀態技能。
束縛同埋燃燒。
燃燒就應該只係全身著火,應該死唔去……應該。
但係比蜘蛛絲束縛左會點,呢層我就唔知啦。
只見大蛇趁我思考緊既時候偷襲。
佢張開血盆大口,想吞我落肚。