自殺以後，進入了RPG的世界: ☁迅猛龍

嗄。
密林迅猛龍。
數量係……三隻。

我地係獵物，佢地係獵人。
佢地應該係發現左我地既部落位置，然後派三隻迅猛龍黎襲擊我地。
好彩既係，比我地及時發覺到，然後變左兩派人對峙既局面。

呢到係一個密林，距離部落仲有五百米左右，已經派左西布蘭諾返去通知大家撤退。
然後，就由我、尼安德塔、烏丁娜三個人擋住迅猛龍。





我埋伏左係樹上，望住尼安德塔拎住長槍揮舞阻嚇迅猛龍，而烏丁娜就係後面準備。
迅猛龍唔敢輕舉妄動。
呢個係我既好機會。

拉弓，一射。
插中一隻迅猛龍既眼睛，果一隻迅猛龍應聲倒地。
撤退啦迅猛龍。
如非必要都唔想同佢地打。
迅猛龍係一種跑得好快既生物，而肌肉密部、體力遠遠係人類之上。




基本上係我地唔想見到既對手之一。

只見其中一隻迅猛龍高聲咆哮，撲向尼安德塔。
尼安德塔用用長槍擋架，但係利爪早已係佢臂上留左道好深既血痕。

「水啊，聽從我的呼喚」
烏丁娜即刻開魔法，召喚左個水球打落去果一隻迅猛龍到。
尼安德塔趁機甩開迅猛龍，拉開左距離。
點知，另一隻迅猛龍趁機突襲！





又一隻迅猛龍撲埋去尼安德塔身上，張開血盤大口，差D就咬甩尼安德塔個頭。
而我即刻由樹上跳落黎，用匕首刺落迅猛龍既背上。
龍牙匕首。
好辛苦進入龍巢探險，得來不易之物。
龍既牙齒足以撕開任何既硬物。
呢個世界上無野硬得過龍牙。

迅猛龍中我偷襲，淒厲咁尖叫一聲，就斷左氣。
再望向尼安德塔，佢同另一隻迅猛龍打緊。
右臂流哂血，幾乎斷左咁濟。
左眼亦都張唔開，身受重傷。

而我，就一箭射中迅猛龍既喉嚨。
搞掂左。
最後一隻迅猛龍都比我地殺埋。




好險，差D出事。
無死到人真係太好。
雖然尼安德塔都要休養一排，不過之後右手仲用唔用到都成問題。

「希爾芙大人！點解得兩條屍？」
烏丁娜問我。

兩條？
弊！
一開始，打中眼睛果隻迅猛龍只係假死？
另外果兩張迅猛龍就只係為左拖延我地既棄卒？
點解要做到呢個地步？

我地即刻返去。
趕唔切？





我步速最快，即刻跑返去。
死左幾個人？
西布蘭諾訓左係血泊之上，未斷氣，好彩。

但係又有幾個人死左。
幾個人拎住武器反抗迅猛龍，反而被殺。

我跪係地上面。
遲左一步。

一秒之後，我即刻起身。
跑去一個帳篷入面。

天鈿女命依舊望住我，目無表情。




足夠了。
我即刻抱住佢。
唔放開佢。

之後，薩滿點算損失。
死左兩個人，一個大人，一個細路。
重傷五個，包括兩個戰士。
一個大人失蹤，相信比迅猛龍帶走左。

啊，好攰。
我坐左係地上面。

晚黑既拜祭依舊。
只係祈禱既內容變左希望死左既人會上太陽神既懷抱。





神究竟係咪真係存在？
我又再係到諗呢一個問題。