自殺以後，進入了RPG的世界: 好鳩

無聊。
無野好做。
的而且確真係無野可以做。
人生如戲戲如人生，如果我既呢一生係一篇小說黎既話，咁就一定係D濕鳩九流小說。
無主線，漫無目的咁係到鳩下鳩下。
十足一D垃圾故咁。

不過，既然係D濕鳩流水帳故事。
咁我出去四圍行下應該就會遇到一D有趣既事。
於是乎我就抱住呢個念頭出去鳩行。





首先我就係不死族之城到鳩行。
我話就話係不死族魔王。
但係D麻煩既事都交哂比瑪麗佢地去做。
佢地都好樂意咁做，始終都唔想我呢條濕鳩佬整臭座城。

呢一座城除左係個迷宮，可以話無咩特點。
就只係一座普普通通既城。
行左兩三日……唔係蕩失路，只係鳩行呀，行左兩三日我行哂成座城。
其實都唔係好大。





大家都好友善。
知道我係魔王又好，唔知我係魔王又好，所有既人都對我好好。
係一個好舒服既地方。

所以，太無聊既我決定出去城外到行。

定還是去挑蝴蝶女王機？
不了，以我呢個級數只係去做炮灰。





既然係咁，就去冒險啦。
係魔界入面四圍探險，睇下會唔會見到一D有趣既事。

無。
係無呀。
係零呀。
無呀。
無趣呀。
點解可以咁。

依家既我可以話係唔上唔落。
可以屌打哂大部份既魔物、人，基本哂成個自然界無野夠我打。
但係另一外面，係其他神話級魔物入面我又同舊屎無分別。
真係無野可以做。





於是，我走左去魔界邊境。
聯盟邊境。

有軍隊守住喎。
好似好勁咁。
但係，點會擋得住我呀？

所謂既魔王，就係無聊無事做果陣搞鳩人類。
我尊重傳統，決定襲擊人類。
當然啦，係嚇下佢地姐，睇下佢地會有咩反應姐。

都係算。
唔好親自去。
我去引左幾隻魔物黎。
睇住佢地衝入座城入面。





有咩意思呀？
好無謂。

真係唔知做緊乜。
唉。
魔物作亂。
軍人退治魔物。
好似睇熱鬧咁，套戲散場我就得返空虛感。

正當我無所事事果陣，我見到個入口。
地下城入口。
好耐無黎過。
我出生既地方。





今次，就試下由第一層攻到落去第十層啦。
就睇下，我既實力去到邊。

第一層。
地下城第一層。
好大既地方。

係一個綜合生態既自然環境。
呢一層大概係比人練下等升下LV。
可以飛過佢。

第二層。
地底自然迷宮。
出現既敵人係魔狼。
以前虐過我既魔物。




但係，對於依家既我黎講，同垃圾一樣。
真係隨便幾下手勢就搞掂佢地。

第三層。
令人懷念既地方。