自殺以後，進入了RPG的世界: 報仇

空氣就黎結冰。
身體多處凍傷。
思考快要中斷。

冰龍，比我想像中強。
即使進化左成為蠍子女王，我都係處於壓倒性不利既狀態。
蜘蛛講過，佢一路以黎都係以弱勝強，未嘗一敗。
如果係佢，佢會打得贏冰龍？

唔可以比佢吐息打中，一旦比佢打中就會凍結，到時就會好麻煩。




凍結唔單止郁唔到，仲要思考都思考唔到，完完全全係捱打既狀態。
除左吐息之外，所有既攻擊都會附加緩速效果，本身已經比佢慢，再緩埋速既話，可以話係完全避唔到佢既攻擊。
最可怕既係，佢所有既攻擊都有一定機率附加凍結狀態。
只要比佢打中一下，我都可能直接死亡。

冰龍打算拉開距離，利用吐息不斷既攻擊。
[冰霜吐息:吐息，對前方單體敵人造成大量水傷害，然後賦予其凍結(5秒)狀態]
極強既技能。
威力大仲要必中凍結。
可惡。





唔可以比佢打中，小心避開。
雖然威力大，但係要準備時間同技能冷卻時間長，未至於算係好大既威脅。

冰龍放棄左用吐息攻擊。
佢撲埋黎。
外骨骼！
[外骨骼:5秒內，防禦上升70%]
勉強擋得住……
雖然都係好痛。




不過，呢個時候我已經用雙鉗捉住左佢。

我屈膝半跪，雙手抱住自己個肚。
好狼狽既樣。
不過，我懸浮起身既雙鉗成功咁鉗住左佢。
發動多工處理效果，我再同時使用多兩個技能。
蠍子毒尾+暗影長槍。
我攻擊力高既兩個技能。
蠍子毒尾攻擊力高，不過係物理攻擊，傷害減半。
唔緊要，最重要既係毒狀態。
暗影長槍單統係暗影傷害，係好有效既攻擊。

猛毒。
最有效既殺手鐧。
再利用蠍尾射擊強化毒既傷害。




冰龍持續扣血。
終有一日我會磨得死佢。
前提係，我無比佢吐息打中。

冰龍見到勝況勝著(其實係我壓倒性不利)拉開左距離。

「你必要同我戰鬥，我既目標唔係你。同我地合作就可以復活……」佢講。

完全唔理佢。
有仇必報。
死者復活？
唔需要。
反正你地都唔會成功。

另一方面。




約翰再企起身同弗蘭戰鬥。
無空閒去理會佢地。
同冰龍戰鬥已經用盡我所有既精神。
絕對唔可以死係呢到。
絕對要帶冰龍落去陪葬！

冰龍MP見底，HP都唔係好多。
冰霜吐息雖然威力大，但係MP用量極高。
CHECKMATE。
雖則我本身既HP都所剩無幾，仲要陷入左緩速長達八分鐘既狀態。

約翰好似打贏左弗蘭，仲親身了結左佢。
不愧係歷代最強既大賢者……

冰龍依然打算停戰。




佢目標唔係我，係約翰，所以無必要同我以命相搏。
但係，我要殺死佢，僅此如此。

「你輸左啦，冰龍，不死族領主已經死左。」約翰講。
約翰HP見底，全身都係血咁講。
言下之意係，冰龍無必要再繼續戰鬥。
「我知道，我都無諗住再繼續打落去。」冰龍回答。
「點解你可以咁冷靜？」
「唔係我冷靜，係你地隻蠍子唔冷靜姐。明明報仇都無補於事，點解仲要報落去？」

我仲想繼續上去同佢死過，但係比約翰阻止左。
再打落去，的確我係無咩勝算。
但係我唔想放過佢。

冰龍打算離開。




約翰阻住我唔比我衝上去，然後王都無講咩野。

「火流星雨」
[火流星雨:使用魔法，於天空召喚大量魔法陣，每個魔法陣施放一次火球術，隨機攻擊目標]
[火球術LV?:對單體造成大量火屬性傷害，然後賦予燃燒狀態(10秒)，LV愈高火球愈大傷害愈高]

「次元障壁」
約翰即時反應到，開左技能擋左攻擊。

而冰龍……慘被偷襲……死左。

【龍人領主】 烈焰龍-迦具土 LV77

HP:146452/146452
MP:113111/131221

力量:6978  敏捷:4267
防禦:5019  魔力:4045

【惡魔領主】蜘蛛女王-阿南西 LV85

HP:101315/101315
MP:165975/165975

力量:4097  敏捷:4766
防禦:3649  魔力:5178

【黑騎士】 ■■■-■■■ LV■■

HP:■■■■■/■■■■■
MP:■■■■■/■■■■■

力量:■■■■  敏捷:■■■■
防禦:■■■■  魔力:■■■■