自殺以後，進入了RPG的世界: I'll be back.

死。
死亡究竟代表咩？
我只係可以坐係地上面，望住眼前既魔物。
曾經毀滅過世界既魔物。
超越一切，甚至威脅到女神存在既魔物。
蜘蛛女王。

卡珊德拉死左之後，我呆左係地上面。
冰龍想要發動吐息攻擊殺死我。
我瀕死前既一刻，時間流動變得好慢。




曾經聽過人講，死之前既一刻，時間流逝會變得好慢。
比人反思下自己既一生，見下走馬燈。
回顧返生前自己人生既意義。

之但係。
我見到既，唔係走馬燈。
而係魔物。

【女王】 蜘蛛女王 LV85





HP:97513/97513
MP:164862/164862

力量:3597  敏捷:4328
防禦:3457  魔力:5298

望到佢既第一眼，我就知道佢就係傳說中既蜘蛛。
上半身係黑暗精靈，下半身係隻大蜘蛛。
佢打側個身黎望住我。
好寸個樣。





比想像中……弱。
單講STATUS，甚至連冰龍都比唔上。
但係，呢隻蜘蛛比到我無盡既壓迫感。

「你係咩人？」我問。

佢無答我……
等左幾廿秒之後，佢先張開口：
「你應該知我係邊個。」

係。
我清楚知道，佢就係蜘蛛。
作為禁忌而存在既蜘蛛。





「垃圾。」佢講。
「吓？」
「垃撚圾。」

蜘蛛黎到呢到，究竟想點？
呢一刻，我先發覺到，自己見到既唔係走馬燈。
而係，時間停頓左。

「你覺唔覺得自己好撚廢？」
「你究竟想點？」
「垃圾。」

喂。洗唔洗講咁多次？

「一次又一次要人幫，自己從來都未試過親手打贏人，你話你係唔係垃圾？」




呀。
的而且確。
我每一次唔係靠約翰就係靠天照。
次次都係咁。
駁佢唔到。
「但係我既對手全部都係好勁既魔物呀！我邊可能打得贏？」
「垃圾，我以前咪又係好廢，不過我一直依靠既就只有我既毒牙同蜘蛛絲，從來唔洗人幫。」

蜘蛛如是道。
「你究竟係咩人？」我又問佢。
「同你一樣。」佢講。
一樣究竟係咩意思？
「你就係阿撒托斯？」我問。
「阿撒托斯……好似係，好似係呢個名。」佢講。
好似係……姐係點？





「阿撒托斯既僕從姐係點？個稱號？」
「白痴啊你！姐係我救過你囉！」

一時之間想問既野實在太多，問唔切。

「好啦，廢話就講到呢撚到？再拖落去會比條八婆發現。我幫埋你最後一次。」
「幫係咩意思？」
蜘蛛女王指住隻冰龍，問我：
「唔洗幫？」

點會唔洗幫？
邊可能贏到啊！
之但係，蜘蛛女王講得岩。
我一次又一次都要依賴其他人既援手，我真係好無用，完全唔可以獨力解決問題。




同我生前一樣。
啊，好想死。

我點點頭。
無辦法，我認我係垃圾。
完全打唔贏佢。
我係垃圾，咁又點啊？

「發動管理員權限。」蜘蛛講。

[等級提升至85]
[可以進化]
>蠍子女王
>揭紙
>獅蠍