自殺以後，進入了RPG的世界: 絕對零度

又有兩個瑪麗跟左過黎。
我帶左王一齊走，無同佢地正面交鋒。
同卡珊德拉失散左，唔知佢有無事。
比起佢，我更應該擔心自己。
我黎到一個實驗室。
四圍都係一D實驗用既大型水箱？定唔知叫咩。
總之就係科幻電影成日見到既果D水箱試管，入面裝住個人果D。

全部都係瑪麗。
果兩個瑪麗見到無數既自己，仲未有生命既自己。




佢地居然無咩反應，只係好平常咁繼續攻擊。
呢一幕對佢地黎講已經係習已為常。

「點解要阻礙我地？」瑪麗問。

兩個人同時攻擊。
我以雙鉗同時空手入白刃佢地既劍。
然後，再用尾部攻擊。

殺死一個瑪麗唔係一件難事。




但係殺死佢地真係非常之難。

好沉重。

「點解你地仲要去繼續幫佢？」
我開口問。

「因為我鐘意佢……正確黎講係瑪麗本人鐘意佢，瑪麗係佢既妻子，作為瑪麗既複制人，我絕對有義務要咁做。」
「你呢？咁你自己呢？」
「瑪麗既意志就係我既意志。雖然靈魂唔同，但係我就係瑪麗本人。」




「你自己就係瑪麗本人，點解仲要繼續復活落去！一旦復活成功，姐係否定緊你既存在！點解唔可以好好咁作為瑪麗，同佢生活落去。」
「因為我係瑪麗既選擇，唔希望見到弗蘭肯斯坦咁傷心。」

呀。
明明唔想殺佢地。
最尾都係殺左。

「暗影長槍」
呀。
我中左攻擊。
係弗蘭。
佢追左上黎，攻擊我。
好痛，受左好重既傷。

但係，咁樣既傷不足為懼。




我即刻轉身撲向佢。
點知，佢即刻發動攻擊。
又係暗影長槍。
刺中我胸膛。

已經殘血。
咳。
好強。

佢又再用手指住我。
可惡，衰人！

「暗影長槍」
「次元障壁」





有人化解左弗蘭既攻擊。

「你地闖少陣禍得唔得？」

「係咩人？」弗蘭問。

「咩人，大家都會叫我做，次元既魔女，不死族魔王閣下。」
約翰回答。

「黑暗飛彈」
「魔法飛彈」

兩人直接開戰。
約翰趕到，好事黎既。
不過我都身負重傷，如果再黎多幾個瑪麗，後果真係不堪設想。





「咩事咁嘈。」
突然之間出現把聲音。
有種唔太舒服既感覺。

「巴芬，請求支援！」弗蘭大叫。

然後，聽到一聲咆哮。
強大既吐息將成個實驗室移為平地。

【絕對零度】 冰龍-巴芬 LV63

HP:117694/117694
MP:134542/135642





力量:4365  敏捷:5794
防禦:4216  魔力:6455

[【絕對零度】:授予使用冰系技能擊殺1000敵人之人。使用技能時，100%機率附加緩速狀態(5秒)，33%機率附加凍結狀態(5秒)。對處於凍結狀態攻擊時，攻擊力上升50%。]

被動技能:
龍之逆麟:受到的魔法傷害無效，物理傷害減半，30%血以下全STATUS上升10%。
海之加護:受到的水屬性傷害減半，自身造成的水屬性傷害上升7%
智慧:MP上升30%，魔力上升12%，能習得所有的語言，看懂所有的書