自殺以後，進入了RPG的世界: 宗教戰爭？

數量上有壓倒性既差距。
對面既士兵完全唔怕死。
一個又一個咁衝過黎。
無辦法令到佢地失去戰鬥能力，只可以逐一殺死佢地。
呢個係戰爭。
殺人係無辦法既事。

可幸既係，我仲有餘力去擔心呢D野。
我既STATUS應該已經去到一般人既頂峰。
當然啦，係魔物面前，我仲係非常之弱少。




但對於人類黎講，我已經係非常之強。

只要我企係到，對面就無可能攻到過黎，殺死王。
當然啦，我既MP係有限既。
只要我用哂MP，我地就會輸。
而對面既士兵，簡直係無窮無盡。

我又殺死左一波既士兵。
對面開開始停左落黎。
教皇行出黎，問我地：





「我地黎個交易啦，你地交王出黎，我盡可能滿足你地既願望。」

姐係招降？
的而且確，再拖落去，點都係我地不利。
卡珊德拉既MP唔多，而我既MP都開始見底。

我同王其實都唔係幾熟，甚至連王既樣都未見過。
點都唔會值得我捨命相救掛。
但係，卡珊德拉唔係咁諗。




佢唔肯放棄。
即使輸緊，都唔投降。
真係好偉大……搞到我都有少少感動。
點都好啦，見到卡珊德拉咁既樣，我真係講唔出「投降」呢兩個字。
另外，我睇教皇唔順眼。
一開始就話要殺死我，依家又要殺死王。
點都唔會對呢個死肥仔有好感掛。
所以，我理所當然地搖頭。

教皇個樣好似有少少遺憾，然後問我地：
「點解你地可以為左王，連條命都可以唔要？你知唔知王又係邊個？你有無見過王既樣呀？得罪講句，王一直都唔用真面目見人，隨時比人掉左包都唔知。你地願意跟隨呢一個王？」

卡珊德拉無任何既疑惑，打算直接攻擊教皇。

「喂，聽哂人講野先好唔好？」




「我同你無野好傾。」

教皇小心翼翼咁避開開卡珊德拉既攻擊，之後又再開口講：

「我收到神喻！女神大人要我剷除王！王係敵人！係異端！係蜘蛛！」

因為Ｄ咁樣既理由？
嘛，所謂既宗教戰爭，大概就係呢一回事啦。
好似中世紀果陣果Ｄ咩教會逼害王政咁。

卡珊德拉當然唔會理佢。
而我都跟住卡珊德拉，唔會投降。

係呢一個時候，王終於開口：





「唔？仲未打完？」
打喊露。
毫無緊張感。

愈諗愈覺得王唔自然。
查唔到佢既STATUS。
一直唔肯露面見人。

「王啊，要走啦。」卡珊德拉開技。
睇黎係傳送既魔法。

「唔洗旨意走！」教皇即刻派兵衝哂過黎。

「結界。」王好細聲咁講。
成班士兵即刻停哂係到。




然後我、王、卡珊德拉即刻傳送左去第二度。

呢到係……？
一片森林到？

「咳咳，傳送魔法好似有少少失靈，我都唔知我地去左邊……我本來就唔係幾識用傳送既魔法……」卡珊德拉解釋緊。

「唉，無計啦，一直向東行IS OK，向東行應該終有一日會行到去返王城到，或者會見到一D村落、城市呢。」王坐係我背上面，當我係坐騎講。

咦？
帷幕無一齊傳送。
我見到王個樣。
一個普通既女仔。
同魔王天照一樣都係細路女。
之不過，佢皮膚係灰色，係一隻精靈族。





「GOGOGO。」佢講。