自殺以後，進入了RPG的世界: 痴線佬

「點點會咁架，你……你唔係蜘蛛大人？」
浮士德好驚訝咁向後退。

我進化左成為天蠍。
係一隻巨型既黑色蠍子。
唔再係奇米拉蟲，無哂蜘蛛同螳螂既特點、技能。
單單純純係作為一隻蠍子。

技能方面都好豐富，STATUS都上升左好多。
我依定既數值，甚至比約翰更加高。




STATUS係一回事，我唔覺得依家既自己真係打得贏約翰。
裝備同技能既差距，實在唔係簡簡單單用數值黎彌補。

我一步一步咁行埋去。
浮士德好驚愕，嚇到坐左係地上面。

我望左受左重傷既怕醜妹一眼，再望住浮士德。
浮士德只係係到掙扎求饒。

我一鉗鉗起左浮士德。




佢好驚咁望住我。

「請你唔好殺我……」
突然間，佢認死狗咁望住我。

我唔鐘意殺人。
但唔代表我無殺過人，最起碼我曾經殺過自己。

「對唔住……係我錯……唔好殺我……」





角色感覺有少少崩壞，明明之前仲係惡咁係到蝦蝦霸霸去做痴線佬。
但係，依家佢又係到扮死狗。
扮到好可憐咁。

佢喊哂口，流哂馬尿咁。
有少少動左我既惻隱之心。
之但係，我望住怕醜妹個樣，再記返起條村比個害到有幾慘。
我就加大力度鉗實佢。

「好、好痛。」

我用力甩開佢，撞到佢去地上面。

「跪低。」我講。





浮士德即刻跪係地上面等候發落。
「道歉。」我講。

「對、對唔住……係我錯……」

我一鉗打到佢爆哂江，流哂血，連牙都甩左幾粒。

「請……請你唔好殺我……」
「蠍子。」
「吓？」
「你同緊邊個講野？」
「係……對唔住，蠍子……」

我又一鉗打落佢到。





「大人呢？」我又講。
「係……對唔住，蠍子大人……係我錯。」

我笑左。
再一鉗鉗住佢個頭，塞佢落地去食泥。

「想我唔殺死你都得，奶乾淨我鞋底。」
我伸左一隻腳出去。
示意佢奶乾淨佢。
點知佢又真係奶。
為左唔想死，可以去到幾盡。

呀，心都煩哂。
佢唔奶仲好過奶，搞到我愈黎愈唔鐘意佢。
尊嚴為何物？比起生死黎講果然不值一提？





「想我唔殺死你都得，你同我大聲講一句，蜘蛛好撚樣衰。」
我講。

佢好驚訝咁望住我。
之前既表情係震怒。
然後又有少少悲傷。
然之後，就係……

出人意表。
自殺。

對佢黎講，宗教大於一切，比起生命，比起自身既尊嚴更加重要。
不愧係宗教狂熱者。





寧靜死，都唔會違反自己既教義。
究竟佢係好偉大，定只係一個痴線佬呢？