自殺以後，進入了RPG的世界: 犯規的魔王

魔王天照，點解會突然出現係呢到？
突如其來登場既細路女，係我面前微微一笑。

「你好，我岩岩路過，順便黎救一救你。」
天照對我咁講。

呢D應該仲係聯盟既領地，點解作為魔王既佢可以肆無忌憚咁出現係呢一到？
然後，佢又點解要救我？
太多野一時之間諗唔明，個腦運作唔到。





「唔使諗得咁複雜，只係因為我生得太靚女，所以黎救你，就係咁。」
天照又笑笑口咁講。
因為自己靚女而黎救我……似曾相識既感覺。
蜘蛛教教義都係無啦啦讚自己靚女。
突然間醒起之前係地下城果陣，天照向我打聽過第八層既事。
莫非，天照就係蜘蛛本人？
但係如果佢係蜘蛛，點解要黎救我，點解要同果隻大蜘蛛作對？

「無咩原因，只係唔想你死姐？」
天照好似可以讀心咁樣，回答我。




算啦，依家諗黎都無用。
無辦法啦，只可以相信眼前呢一位魔王。

即使係咁，天照真係可以打得贏隻大蜘蛛？
數值上差好遠，成十倍。

「戰場上面STATUS唔係左右一切既存在，我有個朋友佢都一路以弱勝強咁走過黎。」
天照衝左上去。

蜘蛛撲埋過黎！





「聖光鎖鏈」天照束縛住大蜘蛛。
但係，好快趣，大蜘蛛就掙扎開鎖鏈。
只不過，天照去到大蜘蛛既頭上面。
零距離。
「聖光球LV100，呀唔係，都係LV7啦。」
[光束球LV?:召喚?個光束球，光束球自動進行攻擊，每次造成少量聖光傷害]

打中左！
命中蜘蛛既眼睛。
八隻眼有七隻受左傷。
雖然扣到既血真係唔多，但係影響到佢既視力已經係好犀利。

「你唔好淨係睇，上黎幫拖啦！」
天照講。





即使你咁樣講，我可以用既招數……
嗜血蜘蛛有個被動技能。
免疫毒素:自身免疫任何類型的毒效果
姐係話我既毒攻擊完全失效。
我可以依依賴既招數得返螳螂之鐮，同埋無毒傷害既蠍子毒尾。
以我既攻擊力，基本上係傷唔到大蜘蛛半分。

「你係到發咩牛頭！」天照對我講。
大蜘蛛撲埋黎我到。
今次弊！走唔切！

「八咫之鏡」
天照突然間去到我面前，開技能。
[八咫之鏡：無條件反射所有傷害]





大蜘蛛撲埋黎既傷害比天照反射左。
即使有大蜘蛛咁高既防禦力，都受左成萬幾傷害。

「你做咩呀！你知唔知好危險架！佢每一擊都可以秒殺你架！」

係咪我錯覺，我好似見到天照瞬間轉移。

「唉，算啦，好悶，好厭左。」

天照企左起身，高舉左手。

「女神之劍」
[女神之劍:用魔力召喚女神的幻影，對單體敵人造成極大量無屬性傷害，然後將傷害轉換為HP為我方成員回復，再將我方所有負面狀態移至敵人身上]





天照上空出現左個幻影，係女神既幻像。
高舉長劍既女神雙手手揮落，一擊殺死左大蜘蛛。

唔係，無殺死到，但係奇蹟咁變到得返一點HP。

「麻痺狀態，一百年。」
[麻痺:使目標無法作出任何動作]

「好悶。我走啦，下次黎探你。隻蜘蛛你想點對佢係你既自由，就送左比你。」
天照伸左下懶腰。

天照究竟係咩人……魔王可以犯規到咁？
完全無視STATUS既差距，直接秒殺人？

「希望下次見到你既時候，你會變得有趣D，好似小豬豬咁。」





小豬豬？係邊個？

「小豬豬係邊個？佢係我老公BB豬呀！」天照扮哂臉紅扮哂野咁講。

然之後，天照就消失左。