自殺以後，進入了RPG的世界: my power powerful

二對二。
惡魔領主同哥布林領主支持出兵。
龍人與獸人領主堅持唔出。

呢場辯論係無意義既。
龍人同獸人兩個都同精靈王有關係，所以一定無可能會派兵。

既然係二對二。
我既關鍵一票就可以決定出唔出兵。
好大壓力呀。




講笑，諗都唔洗諗。

「我……」
我諗住開口既時候，惡魔領主啤住我。

「依家係認真咁開會議，請你唔好出聲。」

嗚。
我只係想表達自己既意見左。
點解會比人當係搞事。




排骨呢個人本時太過ON9？
惡魔領主個樣太兇神惡煞。
小毒毒唔敢插嘴。
算啦，反正最後都會出兵，我一早已經知道左未來啦。

哥布林:「獸人、龍人領主，你地唔係勾結左精靈王呀？」

哥布林領主一下就拋出左重點。
令到會議室既氣溫跌左零度。





惡魔:「我唔相信。不過，既然有嫌疑，呢段時間就放低你地既職務先。」
獸人:「你咩意思？你話我私通外敵？」
惡魔:「有呢個嫌疑，請你迴避。」
獸人:「放肆！你以為你自己真係魔王呀？」

哥布林:「定係想我搵埋證據出黎？不如算啦，當係放個靚假先，好唔好？」

龍人:「我明白啦。」
獸人:「但係……」
龍人阻止左獸人領主發難。
似乎佢都知道自己既把柄係對方手上。
哥布林同惡魔領主唔直接拋出黎，只係比個落堂階佢地。
獸人同龍人領主兩個人已經有名無實權。
姐係話哥布林領主同惡魔領主講YES佢地唔可以SAY NO。
而且巨人領主仲未番黎，排骨=on9




所以佢兩個基本上已經可以掌控成個魔界。

「會議去到呢到完結。」

散會。

咁就麻煩啦。
基本上依家成個魔界就係比呢兩個人掌握。
而呢個人好明顯係支持緊天照。
姐係我既敵人。
實在係難搞。

「不死族領主。」獸人領主同我搭話。

「HI。」我講。





獸人同龍人領主拉左我黎一個花園到。

「你會黎幫我地？」獸人問。

我:「吓？咩？」
獸人:「魔界已經無得救，已經係女神既走狗。」
我:「……」
獸人:「我地將會加入精靈國。」
我:「……」
獸人:「你都會一齊黎？你唔想擺脫女神既束縛咩？」

招降呀。
去都好……
唔去好似仲好。





不過，我最憎就係D麻煩野。

「我拒絕。」我講。

就係咁，演變成我同獸人領主既決鬥。
咦？
咦？？
點解會咁？
因為我唔去就要打鳩我？

喂！！！

獸人領主絕對唔弱。
似終都係上古時代既魔獸。




作為初代魔王左右手既存在。
恐怕，依家既佢，就算係當年既堅系令囡都唔可以無傷就打得贏佢。

come on
my power powerful！！！