自殺以後，進入了RPG的世界: 又回到最初的起點

形勢大好。
MK妹1號同堅系令囡死左。
可惜既係殺唔到肥婆蓮。


不過，最令人驚訝既係，班長就係黑騎士。
而黑騎士就係海龍王。
天照大概點諗都諗唔到，海龍王係我既人啦！
哈哈，連裁判都係我既人，我問你地點打！






不過，外神二號比天照佢地封印左。
與其話係封印，不如話係比佢地塞左入地底。
外神二號比佢地塞左入地底，出唔到黎。
似乎，唔可以用空間魔法，佢地應該有D技能可以封印到特殊技能？


算啦，外神二號只係封挑戰書。
只係一切既序。
好快，我就會愛動第二波攻勢。






外神一號似乎有D進展。
我命令左外神一號去製造其他外神。
整多D外神，咁樣對付天照佢地會多D勝算。


不過，本來呢個世界，好似都有好多人唔鐘意本來既神。
先唔講魔狼佢地。
蝴蝶女王、宰相好似因為見識到外神二號既力量，感到驚嘆。




相奉住我既外神。
都好，咁我就多兩隻棋用。


諗深一層，肥婆蓮同時係勇者，又同時係魔王。
而且，佢應該知道好多真相。
佢應該發現左我係轉生者。
甚至可能發現左我就係神，係一切外神既製造者。
所以要追殺佢？


算啦。
我叫左黑騎士去攞佢狗命。
咁樣，轉生者就得番好毒果個同埋班長。
好似數漏左個……好似姐……應該係咁多啦。






班長……老實講唔係幾想殺佢。


再留係呢個時空都無用架啦。
似乎，歷史係唔會發生改變。
姐係話，遲下外神一號都會比地龍王封印。
變成地下城第十層。
呢D事我都改變唔到。


外神等等所有既事，我都已經準備好哂。
下一步，就係要……






真正黎料。
搶奪呢個世界。
正式同天照佢地宣戰。


再留係呢個時間點都無意思。
發動時間魔法。
番番去原本既時間點。


不過，諗下都覺得黑騎士幾慘。
又要等多我兩千年先可以執行下一步既行動。
算啦，咪當係比佢放下假囉。






時間魔法。
去到我出世既半年前。


二千年後既世界，世界分成聯盟同埋魔界。
變成左兩個好有系統既國家。
然後中間就係地下城。
外神一號就係埋係地下城最底層。
而外神二號就封印左係……依家既精靈國到，聯盟既最西方。


月黑風高殺人夜。
好耐無番過黎。
除左森林呀、郊區地方少左之外，都無乜點變過。






呢個時間點，宙斯未死。
我未出世。
要小心行事。


所以……我應該……
應該要拉下布，DOM下波鐘先。
因為大約仲有十五行左右就可以完呢一章。
好，仲差少少姐。
大佬呀，無計啦。
呢一章淨係用黎過渡下先姐。
如果即刻引入正題咪會太CHUR？


而且，字數有限。
所以……
所以，呢一章就完左佢啦。


好。


我正式宣布。
我正式同天照開戰。