自殺以後，進入了RPG的世界: @蜘蛛

堅系……令囡？
個名……我邊到聽過。
同學。
轉生者。
魔王。

「你係……堅系令囡？」我問魔王。
魔王呆左一呆，然後問我:

「梨，都系轉生者？」





除左班長之外，仲有第二個轉生者。

魔王放低左手上面把長槍，淨係一路望住我。
佢有D不知所惜，淨係叫後面班士兵停手。

「梨……知道禾……姐係話梨都系？」魔王問蜘蛛女王。

蜘蛛女王咩都無講，微微一笑。
蜘蛛女王有少少蛇蠍美人FEEL，佢究竟諗緊咩？




我淨係知道佢好冷酷，好冷靜，好奸。
比起果邊果個，蜘蛛女王更加似係魔王。

「失言添。所以呢？魔王，你依家諗住點做？」蜘蛛女王講。

「收手啦。見系一場轉生者既份上。」魔王回答。

「你黎到呢一步先諗住收手？」

「其實禾對一切都無所謂，但系如果要禾手刃以前既同學，禾實在落唔到手。」





我插嘴:「我都係咁話。既然係咁，不如……休戰啦。」

雖然好兒戲，但係都係事實。
發現到對家係以前既同學，無論如何都落唔到手。
差D唔記得左，上一世既我地只不過係普通既學生。

蜘蛛絲？

蜘蛛絲纏住左魔王條頸。
蜘蛛女王用力一扯，魔王只可以好辛苦咁係到掙扎。

「魔王大人！」後面既士兵係到叫。
但係，下一瞬間，後面所有既士兵都死哂。
莫名其妙地，所有人既HP都歸哂0。





我身後既大將軍比人束縛住，持續時間係……十年？發生咩事？

「魔王大人，我再問多你一次，依家你應該要點做？」
蜘蛛女王問。

發生咩事？
好恐怖。
呢隻蜘蛛……好恐怖。

比起魔王，佢更加恐怖。

「等……等陣先！發生咩事！點解你要……無錯，大家都係同學，點解你要咁做？你……究竟想點？」

本來雙眼望著魔王既蜘蛛女王，突然之間，眼球好快轉動，雙瞳望著住我。




佢放開左魔王。

「勇者，你既任務究竟係咩？」佢問。
「……收手啦。」
「殺左魔王啦，黎啦！我知道架，宙斯佢SET好左【勇者】稱號對【魔王】稱號有特攻狀態架，你可以殺得死佢架。」

佢係我面前，憑空變左把劍出黎。

「殺左佢。」佢講。

我係咁搖頭。
呢個人……好恐怖。
已經係詭異既程度。
佢唔係同學黎咩？
同黑騎士佢一樣？同魔王一樣？




究竟，發生緊咩事？

佢一步一步行過黎。

上勾拳。
一個勾拳打落佢塊臉到。

咦？
我隻右手呢？

我望一望右邊，我隻右手唔見左。
呀，係蜘蛛女王後面。
成隻飛左去後面。

「呀呀呀呀呀呀呀！！！！」




好痛呀。
呀。
嗚……

我個肚……裂開左？
血係咁湧出黎。

我倒左係地上面。
成身都係血。
好痛。
開始無乜感覺。

矇矓中淨係見到魔王攻擊蜘蛛女王。
但係兩秒內就比蜘蛛女王打低左。