自殺以後，進入了RPG的世界: ＠大型魔法

大型魔法。
所謂既大型魔法，就係指大量既人使用同一個術式，大量既人發動同一個技能。
通常係一D非常之勁既技能，可以做到空間轉移、大範圍攻擊等等。
當然要進行大量既時前準備，所以大型魔法通常都好難好黎打副本……
打副本，好懷念呢個名。
不過，呢個世界唔係打機既世界。

大賢者徒弟三人組。
電影、留聲機、直流電。
再加埋幾個法師同時使用技能。





我當然唔會幫手啦。
點解？
因為有好多既原因。

「魔法流星雨」
天空上面出現左好多個魔法陣，然後魔法陣出現左光束，好似流星雨一樣橫掃全場。

呼。
效果幾好。




打到人地潰不成軍。
贏左。
輕鬆。

【人類的惡夢】 巨型蜘蛛 LV64


HP:13544
MP:10384





力量:1468  敏捷:1345
防禦:642  魔力:1365

咩話？
麻煩。
今次出現左三隻巨型蜘蛛。
每一隻蜘蛛都有頂級冒險者既實力，一對一，起碼要有大將軍既實力先有勝算。
同時出現三隻。

再用大型魔法啦！
唔得！冷卻緊！用左一次大型魔法之後，要等一段時間先可以再使用一次大型魔法。

帶住三隻巨型蜘蛛既係，一個男人？

【不死者之王】 巫妖-空鬼 死靈法師 LV99





HP:10542
MP:30775

力量:1945  敏捷:1576
防禦:1294  魔力:2823


好強！
係人黎？死靈法師？
未聽過既種族。

再係咁落去……呢座城一定會失守。
但係，我地實在無辦法打低佢地。
唉。




算數啦。

逃走。
走啦！棄城逃走啦望！
仲有五座城先到王宮！豪一座比佢地啦！
是但啦，人命要緊呀！

「師母！你去邊呀！」
大徒弟電影問。

我望住佢，佢又望住我。

「我呀，要去做一個特殊任務，完成左，就可以守得住呢座城。」

「既然係咁，務必帶我去一齊做！」





呀呀呀！良心既責備呀！
可惡呀！

「唔得，呢個任務要自己一個做先得！係祕密任務！」

我望住佢，冷靜咁一個一個字吐出黎。
無錯呀！
我係去CALL救兵呀！
所以，就拜託你地，守住呢到呀！

「守城既將軍係邊！出黎同我單挑！」
城門下面果個死靈法師係到大叫。

單乜鬼挑呀戇＿仔。




明明自己贏緊仲同人地既將軍單挑，你有無腦架！

「原來係咁！師母係要落去暗殺對方既首領？不概係師母！」
電影擦哂鞋咁。

就係咁，我比佢地推左落去送死。