自殺以後，進入了RPG的世界: 引狼入王室

行番入去王城。
扮到周身傷哂咁。
扮到比堅系令囡打到變智障，死下死下咁行番去王城。
愛迪生親自出黎迎接我。

一見到我，就急不及待咁問:
「你無事吖嘛？」
「無事……不過……」我講。
「不過？」
「出事啦。魔物入面有一派人好憎王國，佢地既首領以魔王自居，打算毀滅呢個王國。」




「魔王？」
「無錯，係神話級既怪物……就係你班徒弟之前見過既果隻龍騎士。就算係我，都唔係佢既對手。」
「知唔知佢地下一步既行動？」
「唔知。除此之外，我咩都唔知。」

愛迪生沉思左一陣，大概係諗緊對策。
「老實答我，王國兵力有幾多？」我問。
「加埋或者可以換到兩、三隻RANK A既傳說級魔物，講緊係耗盡國力既情況。如果神話級怪物攻過黎，我地係無可能有勝算。」
「但係……」
「無錯，我知，單係神話級怪物最少已經有三隻，徒弟同我講左。」





我行入去王宮既時候，見到一車車牛頭人係到起緊金字塔。
「牛頭人、馬面、獸人、貓人、哥布林，呢D感覺上係比較英勇既種族，會唔會用佢地黎擋住魔王既攻擊？」
「牛頭人……呢D三等既種族，本來就唔太鐘意王國，始終係三等種族……就算推佢地出去戰鬥，士氣都唔會高得去邊。所以我地主力軍隊都係二等既不死族、巨人同矮人為主。」
「咁人類、精靈、黑暗精靈呢？」
「你都傻既，當權者點會推自己既種族去死，係都推其他種族先啦。」

魔狼-芬里爾。
堅系令囡手下既神話級魔物之一。
係不知不覺，我引開左愛迪生既時候，潛入左黎王國。




唔好令我失望呀，狼仔。

雖然單憑魔狼既實力，大概可以單人匹馬毀滅王國。
但係，毀滅王國唔係我既目的。
我既目的係制造混亂，引開天照佢地既注意，一步一步改變世界。
同埋，係呢個世界上面製造外神。
所以我就昆鳩堅系令囡，王國好好大，堅系令囡未必夠打。
要用智取。
透過堅系令囡制話混亂，然後我就係暗地裡操縱世界。
莫非ME係天才？
太犀利啦。

魔狼既任務係，激起三等種族既反抗心態。
令呢班奴隸明白到，自己既處景係幾咁慘，在位既人係唔會理佢地既權益、佢地既生死。
然後，就係反抗。




裡應外合，一齊毀滅王國。

一行入王國，就同MK妹一號，女王陛下以及天照撞個正著。
「喂，大賢者，你個FD做乜搞到咁慘慘豬呀，該煨囉！哈哈哈！傷到咁，做過D咩黎呀，咁柒既？」MK妹繼續撩街打。

「女王陛下！緊急事態！我地王國將會有危險。收到風，有魔物組織軍隊黎……」愛迪生好認真。

「魔物軍？IS YOU SERIOUS AR？你都on99。」MK妹當耳邊風。

天照行過去愛迪生到，然後彈左下佢額頭，講:
「信你一成，女神顯靈。」

問題就係你自己咪係女神囉！！！
算。
認真我便輸了。





天照唔信？
天照諗左一諗，然後好快當無事發生過，繼續行。
姐係點？
信定唔信？
是撚柒鳩但啦。

「唔緊要，本來無就指意女王同教皇會信，反正呢兩個人都係無能。要去搵大將軍同宰相先岩。」

女神，你比人話係無能喎。

係時候坐食花生。
反正大家都唔會咁快準備好然後開戰。
不如，我就趁依家去整下外神先啦。
閉個靚關。




然後去整外神！

好似好短咁，段數睇落好似好少字咁……
是鳩但啦。
WFC