【還我心願】- 與二家姐一段不可告人的關係 (續篇): 【補上作者的結局】睇前請三思！

（作者的最終篇：上）
 
 
我換上了一身黑色帥氣西裝，
梳了個不羈的髮型。
 
站在全身鏡前，耍了個超帥的姿勢
“哇... 型到我吖...”
 
忍唔住又耍多幾下，今次試下C 朗個招牌入波姿勢先...





“行喇痴線佬，懶完型未呀~”
拉開紅布後的她，會心微笑了。
 
“黎喇黎喇，比我型多陣嘛~ 下次再著都唔知係幾時喇~”
我拉一拉衫尾，轉一轉手袖，
再望向大鏡睇睇自己個髮型
 


好
 
 
“行得行得~”
 
 
 
已經過左兩年，
 
我依舊無變，係佬味重左些少


不過依然都係咁靚仔，無計啦
鬼叫我係蔣樂晨咩
哈哈
 
 
我踏上石階，每一步都小心翼翼
睇黎著返波鞋先適合我。
 
當然我都要睇住身後果位啦，
話哂都生完無耐
你知啦，佢又活潑好動，
 
一陣跳兩野真係一個唔小心叉錯腳
一野轟到落山腳
我諗我嘅人生真係玩完喇


 
 
 
“蔣樂晨！！！”
屌又黎！
 
“咁耐架！我以為你係屎坑暈低左呀！”
然後又望望我身邊那位，再度自high地大笑
 
 
呢個痴線佬就係咁，希望你地無一個咁嘅老豆
如果唔係真係好煩，日日都會比佢煩
 
如果咁唔好彩你地有個咁嘅老豆，
咁我都要為你默衰喇


 
因為佢會生左個痴線仔出黎。
 
 
 
我露出白痴嘅笑容：“就係知你等緊我，所以特登遲d 先上黎”
 
老豆即刻打左我個頭一下，另加衰仔吖


（作者的最終篇：中）
 
 
我地一行人步入教堂門外
已經被外面壯麗嘅景緻迷倒...


 
“哇......”
呢度嘅風景真係好靚，不愧為東京最靚嘅教堂。
遍地清翠綠草，配合風和日麗嘅天氣
 
真係天都注定今日喺結婚嘅好日子
 
 
讚嘆完一輪，
我就拖住身邊那位，同爸爸一齊正式步入教堂
 
教堂佈置絕不馬虎，睇得出絕對有藝術嘅味道。
宣誓嘅位置右邊有個黑色大鋼琴，
相信一陣又會睇到d 平民聽到「天使協奏曲」果種「我是觀眾」嘅表情
 


屌，諗起都忍唔住笑
 
 
 
經過一輪台前幕後嘅準備功夫，
終於步入真正嘅婚禮儀式。
 
 
一輪婚禮音樂浪漫響起，
然後全場都肅正，望向背後
 
 
大門外，
新娘新郎同爸媽佢地
一步又一步
走到宣誓嘅位置。
 
而我眼入面只有新娘
 
依然好靚，化上淡妝嘅佢有如天仙一樣美...
如果有新娘選美比賽
佢一定攞硬冠軍！
我話嘅
 
 
然後經過一輪正式嘅宣誓，兩人互換戒子，再輕輕親吻對方。
也博得全場的鼓掌聲。
 
 
然後重頭戲來了，新娘走到鋼琴前。
輕輕一奏；
新郎拿起小提琴輕輕配合，拉一拉手中弦線
 
最美的畫面亦出現在眾人的眼球裏
然後視聽上的衝擊，不出所料
 
我是觀眾出現了。
 
而我，今次選擇享受整個過程
 
原來那段最後的合奏，是那麼美，那麼動聽。


（作者的最終篇：下）
 
 
扔花球的時間到了，
我身邊那位已經汗流滿面，
皆因我地仲未正式舉行盛大嘅結婚
因為我話過要搞一定要搞個全球最大嘅婚禮
 
到時一口氣請哂周董呀，醫神陳呀，Katy Perry呀果d
 
 
點解未結婚?
點解？
 
無錢囉屌仲問
 
結婚緊係要靠自己啦
 
 
見佢咁緊張
於是我搭一搭佢肩頭，超型的說：放心交比我
 
學界三分王你當我流架？
 
花球一扔，我向前一踏
完美地搶籃成功
 
 
落地嘅瞬間，
我知道我已經成為站在呢遍土地上，所有女人嘅敵人
 
但我一於少理，舉起勝利嘅花球。
 
婚紗中嘅你笑得好開心，因為我捉緊你比我嘅幸福。
但我仍是無法捉緊你的手
 
 
常聽別人訴說：那種最遙遠的距離很痛苦，這麼近、那麼遠
 
我想反駁，那種滋味你們根本不會明白吧：
因為我一直愛著身份不對的人，那無法跨過的底線
然而那無法停下來的步伐，把錯愛不停放大
 
打從一開始的錯愛，讓我們困在死結中。
無法掙脫，我亦不懂放開
結果獨個兒活在暗黑裏，徘徊不散
 
才能深深體會「最遙遠的距離」
 
 
然後我走上前祝福你，
真心的祝福你，而你卻不知道我還愛你
只是難過的苦澀不再存在了
 
 
然後眾人在歡欣中，我拖住那隻手
走到了小山上
 

（作者的最終篇：最後）
 
 
那個你期盼的結局，我總算能為你完成
 
不要說下輩子的福份是什麼；只知道這輩子的責任是努力讓你笑著
 
我牽著那柔軟的細手，把說話用長吻替代。
今生的愛就決定交給你了。
 
而你在某處，相信也正為我們祝福著
 
 
讓我真正學會愛一個人，讓她幸福活著就夠了。
 
芷悠，
我們不會忘記彼此的。
因為我們比起戀人，還多了一個身份
 
謝謝你重新還我心願，再次出現在我面前
你一定會成為世上最幸福的女人
 
二家姐芷悠