【還我心願】- 與二家姐一段不可告人的關係 (續篇): 【最終章】：第二節
（五）
“你好似怪怪地咁既今日？係咪有咩唔開心呀？”
Christie睇得出我有d 唔妥
“...哦，無”
“咪係煩公司d 野渣嘛”
我繼續交戲
“呀Jay話唔做喎，佢話同老闆唔啱channel。咪索性唔做囉”
“結果咪又係搵著我黎搞，佢留低d 蘇州屎咪又係要我幫佢執”
“仲有呀，啊May佢......”
愈吹愈遠，我諗就快到銀河系
“老公。” Chrisite輕輕拉住我手，十指緊扣
“老公，無論喺出面幾辛苦都好，都要記住有我陪住你”
“我會永遠喺你身邊陪住你，支持你每一個決定”
支持我每一個決定...
敏怡...
我輕撥佢髮線，深深一吻側額
“多謝你。我地返屋企喇，老婆”
“今晚返黎煮飯！？”
我眼尾稍一稍Christie：“唔係掛，我地諗住出去食喎...”
電話嘅另一邊，傳黎一把囉唆嘅聲音。
“喔喔喔，好，喔，好”
“咁我問下家姐今日食得唔得啦，轉頭覆你”
收左線之後，我就同Christie講解下呢個突發情況
無錯，
我地改左今日提早食「道別的晚餐」
而且，
已經榮升為「女超人」嘅大家姐都會帶埋果個男人出現。
其實，
到依家我都唔記得佢叫咩名，剩係記得佢叫啊John。好似係
不過自從大家姐嫁左之後，我地已經好耐無見過面。
哈哈，講講下竟然有d 掛住佢添
屌！呢下真係起撚咗雞皮。
不過返到黎就有種怪怪地嘅感覺，點解芷悠喺間房咁耐都無出過黎嘅？
於是我叫Christie換一換衫先，
而我就去同芷悠講聲今晚提早食「道別的晚餐」
“家姐？家姐？”
（六）
打開微開半合嘅房門，窗口打開，空無一人
原來芷悠並唔係房。
房間打理得好整齊，忽然有種好不安嘅感覺...
佢去左邊呢？
“叮噹─── 叮噹───”
門鍾聲響起
芷悠？？
我轉身走出房外，但Christie已經比我快一步開門
“哇woo~ Hello~ 爹哋媽咪？How are you doing~”
“Hey my lovely Christie，I'm doing well。So...”
“蔣樂晨！！！”
Hi，條友又黎料！
“痴線佬，再大聲d 吖！”
我塞住雙耳，無奈至極。
老豆就係咁，有時好鍾意大大聲up我個名出黎，為咩？
可能以為自己好搞笑掛，因為Christie成日讚佢風趣幽默。
Sorry，真係唔覺。
係我角度，只係覺得佢係「自走型移動喇叭」
“老豆呀，唔該你啦，唔好再咁大聲嗌我啦，真係就黎成層樓都識我架喇”
“下！？佢地仲未識你架咩？哈哈！”
佢向住Christie懶型咁chok左下，示意自己幽默非常。
救命真係
“爹哋媽咪，做咩唔叫我地黎接你呀？”
Christie對我媽施展慣常技倆，撓手挨頭。
當然媽咪早就受落啦。當正佢係半個新抱喇，剩返果半個？
唉我唔得閒諗呢d野住
芷悠你去左邊呀？
“唔駛啦~ 我地自己行上黎都得啦~ 廢事要你地行黎行去嘛”
“Nonono，我地......”
喺佢地關心彼此嘅同時，老豆走埋黎拉住我
“喂，你二家姐呢？”
“我都好想知，出左街掛”
“搞錯呀？點做人細佬架你”
老豆明顯地埋怨我
我摸不著頭腦：“我都係返到黎先知渣... 可能出咗去搵朋友掛”
“我打比佢啦好嘛，你去廚房整下野先啦”
（七）
“嘟嚕嘟嚕─── ”
“嘟嚕嘟嚕─── ”
“...喂？... 啊b？”
“家姐？做咩打咁多次比你先聽電話嘅？你依家係邊？”
“哦... 我... 我去左搵朋友啊”
“喔... 無，因為老豆同呀媽返左黎... 佢地話想早d 同你食餐飯，驚無機會食喎... 你.. o唔ok？”
“...嗯，我... 咁我陣間帶埋個朋友上黎食吖”
“好啦，咁陣間見..”
“嘟─── ”
我望住電話嘅屏幕，打咗八次先肯聽電話
平時芷悠唔會較震機，亦都好少miss call
搞咩呢佢？？
“係邊呀佢？” 聲如洪鐘嘅噪音從廚房發出
我有d 唔耐煩，講真我都好想知佢去左邊呀
“返緊黎喇佢，你整左d 蟹先啦，難熟呀。仲有果d 海鮮呀果d”
“得啦我有分數，記得問埋呀大家姐係邊呀，唔係一陣我整好哂得我地四個食”
我啤一啤老豆，然後繼續「保持通話」
我望住手機嘅時間，九點十三分
“d 餸搞掂喇。喂衰仔，幫下手啦咪掛住傾電話”
吖屌你吖
“世伯我又黎幫手~”
Christie 雀躍地企起身，但媽咪一手拉住佢：“唔駛啦，呢d 功夫邊駛女仔做架，你就乖乖地坐喺度，陪下媽咪傾計啦”
“...嗯，咁好啦~”
服左我老母
鋪好哂枱布，櫈擺好，準備好一輪功夫就入左去幫老豆手。
“叮噹─── ”
我抹一抹手然後開門
（八）
“蔣樂晨！好耐無見！”
果然，大家無估錯，呢個就喺我果位強人大家姐
“喂，做咩咁大聲嗌你細佬呀，嚇親佢喇”
背後傳黎一把更為雄厚嘅聲音，既嚴肅，亦帶有三七分磁性
“踏── 踏──”
我屏氣凝神，不禁流了滴汗，
因為我感覺到，大家姐背後有更強大嘅生物出現
“人地玩下渣嘛~ 下次細聲d囉...”
一手攬住大家姐肩頭，
寬闊嘅胸襟，配合一身經歷過無數次鍛鍊嘅二頭肌及清晰可見嘅6 舊腹肌。
眼前呢位並不是誰，
就是當年那個男人。
如其說當時他娶了我家姐；倒不如說是他嫁入蔣家
點解？因為我第六感話我知，由佢為我家姐套上戒子嘅一刻，命運注定坎坷。
誰知道...
“你好呀樂晨，好耐無見。”
猛漢伸出佈滿青筋嘅右手，我都交出我嘅禮儀之手
“喔... 你好，好耐無見喇，啊豪”
“......”
“人地叫啊聰囉好冇” 大家姐對於我嘅無知加白痴，表示面有慍色
“哈哈~ 哈哈哈”
笑點極低嘅Christie不受控地笑，當然也順勢帶動了全場氣氛
美酒佳餚準備好，剩下的功夫也已經完了。
只是主角仍未出現