【還我心願】- 與二家姐一段不可告人的關係 (續篇): 【第二章】：最終節
（十七）
我靠近芷悠唇邊，身上嘅香氣已經瞬間薰陶我嘅神經。
我攬緊佢腰部...
“唔好咁... 阿b...”
芷悠把頭轉向一邊，我亦自覺地放手
“唔好意思... ”
“……”
芷悠把雙手托到牆邊，望住眼前夜景：“幾時開始食架...？ ”
我亦背靠住牆邊，望向天上：“你走左之後... ”
“嗯... ” 芷悠托一托腮
我地就只剩下最後五日，
然後芷悠就會飛返去東京，繼續佢嘅夢想。
如果錯過呢一刻，我就未必有機會再問……
於是我放鬆心情，將收藏已久嘅說話吐出
“你... 點解無搵我嘅...？”
“……”
“…我知道我地唔可以咁落去”
我呼一呼氣，都是意料之內。
“咁點解唔比個答覆我… 你知唔知我... ”
“我唔敢面對你”
芷悠打斷我嘅說話，把手微微低下；
身體悄悄轉向我面前，眼角中閃出淚光
“…因為我仲係好愛你...”
“嗯...”
我地面對面，維持了好幾秒。
然後，把注意力放在前方的夜色。
“滴嗒滴嗒── 滴嗒─”
雨勢漸漸頗大，亦無損氣氛。
我們
再沒有越軌的動作，只有親人般的關心。
就這樣，
我們又回到最初那段親密的姐弟關係。
（十八）
“哈哈~ 記唔記得啊，果陣呀爸一返到黎見到你即係爆喊。個樣仲囧過胡杏兒”
“哈哈哈~ 我有睇呀，果張圖好搞笑”
芷悠來一記傻大姐微笑。
我打左個突：“哇咁你都知~ 我以為你剩係會睇琴譜”
“痴線~ 最衰都係你，跟得你多搞到我個人都變哂”
芷悠交叉雙臂扮嬲
睇真d...
雨水沾濕咗芷悠上身睡衣, 半濕透嘅情況下
顯露出誘人的身體曲線、與及那對豐滿雙乳...
“咳咳...”
“走光喇家姐...”
我尷尬地望向另一邊
芷悠即時滿臉通紅，用雙臂擋住。
哈哈，傻瓜
“我想食枝煙...”
“唔得，阿b 你學壞喇” 芷悠皺起眉扮嬲，以為我講緊笑
“我講真架... 因為唔想太緊張，我想問你最後幾個問題”
我收起笑容，氣氛變得嚴肅。
因為
我唔想再重覆無意義嘅對答...
我想知道真相
“嗯...”
“滴嗒滴嗒──”
我點起香煙，呼出第一口煙
“你同果個香港人係咪一齊左”
芷悠輕撥沾濕了的髮絲，眼神若離
“結果係點，重要咩？”
“重要”
“呼─── ”
“咁我先可以真正放低你，芷悠”
（十九）
“無... 我地無一齊到”
我偷偷望一眼芷悠嘅臉上，
遺憾嘅眼神，令我明白到呢個人應該對佢好好。
我望住手中嘅香煙，彈一彈煙頭，
火花飛濺於空中，由聚散到分開，再消失於漆黑中。
答案當然令我好開心、好激動。
但...
“點解唔同佢一齊？”
我再提起手中香煙
“佢對我好好，而我都鍾意佢...”
“......”
“嗯......”
答案背後，總有個真相
會讓你墜入失望
芷悠笑一笑，口裏吐出一絲冷氣：“因為我仲未放低你... ”
“沙沙─── ”
雨落得滂沱，冷風擦肩而過。
上天，認為考驗的時間未到，
想終止我們的目前。
但我緊握手心
眼前嘅畫面不是配合得正好嗎？
為我地嘅關係作了斷。
愛，太甜太幸福；
卻又太毒太殘忍。
我已經牽扯得太深，
為此，曾經而死去活來、活得不似人形。
依家又再被緊緊地纏繞全身
我唔可以再承受落去...
幸好，
我嘅初衷，由始至終都冇忘記過
“芷悠，唔好走，一直留喺我身邊 ”
世界就像靜止了，我屏息住呼吸
芷悠眼神輕輕掃開，答案已經掛在唇邊了
（二十）
“對唔住... ”
“阿b... 對唔住... ”
一顆淚珠從芷悠眼中滴落
我嘅心
就像停止左跳動
明明應該準備好...
但真係好痛...
真係......
用手蓋住眼睛，已經分唔清邊d 喺雨水...
邊d 喺淚水...
“嗯... 以後唔駛再講對唔住...”
淚水從手指嘅隙縫中滲漏出
但我依然強忍住寬容
“我應該一早估到... 但我遍遍要問... 遍遍要自己攞黎......”
“你啱... 我地一早已經錯... 我地已經... 呢個係我地唯一嘅...”
抱歉了...
我的說話已經不再完整
因為，已經淚崩了...
“呢個係我地唯一嘅解決方法... 我自私... 我好想見你所以返左黎...... 但我知道... 我地根本無可能喺埋一齊...... 阿b... 我見到你同Christie一齊... 令我更加明白... 更加明白到...”
我已經睇唔清楚眼前嘅芷悠...
“阿b... 我地錯咗... 我地唔應該搞成咁... 我想你幸福......”
“阿b...... 嗚嗚... 對唔住...”
不要緊…
什麼對不起...
反正已經錯了…
“你錯喇…… 我嘅幸福... 就係你... 無論咩時候...”
“...無論幾時... 當我同Christie一齊嘅時候... 我都會諗起你...”
“...原本我喺應該對住你... 講一聲老婆...”
我用力捏住眼晴，將想講嘅說話一口氣講出黎
“芷悠... 你無錯... 要怪就怪我踩得太深…踩得太盡…去到呢個地步......我已經唔可能再當你係我家姐…… 我永遠都愛你... 祝福你...... ”
“過到去果邊...... 你地就開始啦... 唔駛再掛住我... 喺果邊要好好地生活...”
“沙沙─── ”
“如果...... 如果當初我地無開始過....... 你話幾好呢...”
“阿b...... 唔好再講... 嗚... 唔好...”
“我個心真係好痛... 痛到我每呼一口氣... 個心都好緊... 好似就黎透唔到氣... 好辛苦...”
“嗚...嗚嗚.... 阿b...... 求下你...”
我走到芷悠面前
“...可唔可以叫多我最後一次... 最後一次... 老公...”
芷悠用雙手試著拭去臉上嘅眼淚，咽喉：“...... 老公...”
我們深情的接吻，然後再緊緊地擁抱對方剩下的溫柔
“沙沙─── 沙沙───”
“多謝你芷悠... 以後有佢照顧你，我就放心喇... ”
“我愛你，芷悠...”
轉身，向住天台嘅門口踏步
“...阿b... 嗚嗚......”
芷悠拉一拉我衣袖
我
已經哭得面容都扭曲
連聲音也變得沙啞了...
“求下你... 放過我... 芷悠... 我好辛苦......”
芷悠把手放開，彼此已經哭得無力
哭得淒厲...
“沙沙─── 沙沙───”
一步一步... 如此艱難
如此痛苦... 我都要咬緊牙關向前走
不可再回頭看身後的芷悠
因為痛苦只會不斷折磨我們
斷開的雨點，再怎樣也無法復合
就為這場不完美的愛情，劃上句點吧。
下一個雨天，我們就別再想起大家了
－ 第二章 完 －