【還我心願】- 與二家姐一段不可告人的關係 (續篇): 【第二章】：第二節
（五）
“嗄... 嗄... 嗄！...”
跑到我上氣唔接下氣
頂，真係太耐無做運動，
跑兩嘢已經氣喘如牛...
班波牛又各有各忙，唔好話打波吖。
打個邊爐都無時間呀
再咁落去... 真係...連僅有嘅4 舊腹肌都「集資」成1 舊
屌！
有時間真係要操下先得
“咔嚓。”
我用力推開門，汗都未抹已經向芷悠間房趕過去
“芷悠？芷悠？”
“嗄......”
芷悠已經換上睡衣訓喺床上，雙眼望向窗外
悄悄漫延於身邊的緊張感再度圍繞我
“......”
我呼出一口氣，慢慢調整心情
因為此時此刻，只剩我倆共處
“做咩返黎啊...？ 阿b...” 芷悠先開口
“當然喺返黎睇你有冇事啦... 驚你暈低嘛...”
我慢慢靠近床邊，扮作輕鬆
“你知你幾弱架啦，哈哈”
“我自己照顧到自己…”
芷悠緩緩地坐起身低頭，一摟黑髮亦隨之遮掩半張臉
“Christie呢…？”
“…哦，佢話想睇多陣先…所以我返黎睇你有冇事”
“你唔應該返黎…應該陪喺佢身邊…”
我走到芷悠側旁，
芷悠把身軀輕輕轉向我面前
佢嘅臉上早已經劃出幾道淚痕淚…
（六）
虛弱嘅氣息，隨住芷悠嘅病容一一呈現出黎
眉絲間柔弱、眼神中的仿佛、
還有一道道尚有餘溫的淚痕；
一臉慘白
無法不叫我心痛...
“芷悠......”
我忍唔住想伸手輕撫那淒美的臉龐，試圖為佢拭乾淚痕
“唔好......”
被芷悠用手撥開
如果喺以前嘅你，早就已經伏喺我身上向我撒嬌...
芷悠低一低頭：“我頭先發惡夢所以流眼淚... 唔好誤會...”
我皺一皺眉：“但我無講係因為我...”
“......”
“...我想去廁所”
芷悠好像有點生氣，拖住無力嘅身軀站起來，步伐慢慢的
卻走得跌跌撞撞...
走到門前一刻
突然
一下子突然向前一摔
“......”
“......”
“喔......”
我早已經接住芷悠，纖幼嘅腰部落墜於我手臂上
身上嘅體香亦從睡衣中漸漸散發出黎
好香...
但唔好意思，呢刻我真係無任何歪念
眼前嘅芷悠已經連企都企唔穩，
而我
只係想好好照顧佢...
我扶直佢，用手輕壓喺佢額頭
（七）
喺廁所門前，芷悠轉身
“阿b... 麻煩你唔好意思...... 但... 但我已經無咩事喇... 你去... 搵敏怡啦...”
睇得出芷悠有d抱疚。而且一提到Christie嘅時候，
芷悠嘅表情就好似好失落咁
係咪我錯覺？
“得啦...叫我依家點走啊？一個連去廁所都要人扶嘅人，
我相信比著係Christie都唔會走左去。係咪？”
芷悠依然眉頭深鎖
“去廁所啦，過多陣我走喇好冇？”
我輕輕推芷悠背部，為佢關上廁所門
“有咩事叫我啦家姐，我喺出面等你”
“唔好！...”
“吓？”
我抓一抓頭
“... 我... 我個肚唔舒服... ”
我忍唔住笑一笑：“喔~ 咁好啦，我喺房等你。有咩事嗌我吖家姐 ”
“嗯... ”
我返入去芷悠間房，坐係梳妝台面前
深深吸一口氣，一陣芬芳隨之撲鼻
真係好香...
呢種只有芷悠獨有嘅氣味
佢終於返咗黎...
而呢間房，就再次充斥住一陣陣幽香
我伸一伸懶腰，一覽房內嘅一切
咦？
部notebook打開左嘅？
咪住...
唔好亂黎呀蔣樂晨...
芷悠發現一定會好嬲...
我唔可以擅自睇佢私隱...
但...
我真係好想知，究竟果個小提琴家喺點嘅樣？
佢同家姐平時會傾d 乜？
會唔會有提起過我？
我企起身，悄悄地向住果部半開嘅notebook走過去
（八）
企喺部notebook面前，內心嘅掙扎
令我有d 卻步
始終係芷悠嘅私隱...
點可以未問過佢就偷偷地開黎睇...
但換個角度諗：咪玩啦，就算問又點？佢點會比我睇咩？
既然係咁...
吞一吞口水，
我開始用指尖滑動接觸面。
正當我下定決心之際
問題就黎喇
究竟佢地係用咩apps黎傾計？
好彩電腦呢家野我都算係個絕世奇才
雙眼凝視於唯一嘅焦點，手指間輕快嘅彈奏
配合鍵盤嘅敲擊聲
呢一刻，我想問我同鋼琴家有咩分別
搵到了！
係Skype！
好！
我加快速度，使用絕技『貝多芬第九交響曲』
完美！
不過剩返落黎先係真正嘅表演
我懷住緊張嘅心情check 芷悠嘅chat room
相信係佢喇
“Wesker yeung... ”
螢幕上一層層嘅顏色不停閃過我嘅面上
只係令我有d失望，
因為大多數都只係無聊嘅對話
食左飯未啊？沖左涼喇？眼訓喇？
屌！我唔係要睇呢d
開始無乜癮咁碌上去
再碌上去...
竟然......
“...阿b！你喺度做緊咩啊！？”
芷悠嘅表情已經由驚訝轉為激動
而我雙手，早已經止不住抖震...