【還我心願】- 與二家姐一段不可告人的關係 (續篇): 【第一章】：第一節
（一）
“蔣芷悠，我愛你”
我緩緩將手中嘅戒指套落去纖幼嘅無名指上，
“蔣芷悠小姐，你願唔願...” “我願意”
未等牧師講完, 芷悠已經甜絲絲笑住答。
“我都愛你，蔣樂晨”
呢句說話我究竟等左幾多年, 一直以黎背負住呢段見光死嘅戀情
今日, 終於可以修成正果
我忍唔住流眼淚, 眼淚充滿歡欣, 當然亦夾雜住悲傷...
爸媽都無出席我地嘅婚禮，
當然連我果個霸氣大家姐都唔喺到。
原因係我無請佢地黎，
在座嘅都係當地居民
就連個牧師都係當地住嘅華人
無錯，呢度係芬蘭，
我地決定喺度舉行個簡單嘅婚禮，
為我地呢段歷盡辛酸嘅愛情長跑劃上句號，
正式為生活揭開新一頁，
正式去肯定我地嘅身份；
亦都正式放棄我蔣家孻仔嘅身份...
一路以黎我唔想芷悠背負住罪惡感，所以我曾經打算改姓氏
“我地無錯，所以我地更加唔可以否定自己嘅身份，
你始終係蔣樂晨，我始終都係蔣芷悠，
我愛你阿b”
仲記得果陣你眼神好堅定咁望住我講呢番說話，
原來你比我想像中更堅強更成熟，好多謝你
因為你，我今日先可以企喺呢度，
勇敢去面對與生俱來嘅身份。
（二）
“阿B，做咩啊，笑下啦”
“咩啊，呢到大風渣麻”
講係咁講，但其實我已經喊到痴線
我自問都算幾忍得喊，就算腳指尾拉西掃中枱腳
都面不改容
但係呢刻真係忍唔住，就好似大壩缺堤咁，
已經唔想再抑壓我嘅情感
“阿B...”
芷悠對住我額頭輕吻左一啖，我抬起頭望住佢
原來佢都已經喊緊
皮膚白哲嘅佢，水汪汪嘅雙眼流出一絲眼淚，
連鼻翼都漸變泛紅
好靚... 真係好靚...
佢嘅雪花容貌已經徹底融化左我個心
芷悠用手指輕輕一抹眼淚淺笑：“衰人，你搞到我個妝溶喇”
我好認真望住佢：“但你喊仲靚喎...”
無錯，佢的確連喊都好靚，可能情人眼裏出芷悠
無論佢咩表情我都覺得好靚，剩係望住佢我已經好滿足
佢好含蓄咁扭檸左一下，我就順勢抱佢入懷
“蔣芷悠，你唔再係我二家姐，你已經正式成為我老婆”
“仲有以後你間房就係我間房，我朝朝起身都要見到你，
我地會組織個小家庭，好幸福咁生活落去，直到變成呀公呀婆”
“然後我地會..”
“嗯...”
芷悠抬起頭含情脈脈咁望住我回答
“我剩係想一直留喺你身邊...”
我開心到流露出幸福嘅笑容，然後輕輕靠近佢嘅嘴唇，
合埋雙眼深深咁錫落去
呢個時候在場嘅人都企哂起身拍手，
牧師當然循例咳兩聲然後宣佈：“咁我喺呢到祝福兩位新人...…“
我已經無理到個牧師講乜，為左芷悠我可以放棄所有
我眼裏面就只有佢
而呢一刻，我終於夢想成真
（三）
“你喺度做緊咩！？蔣樂晨！！！”
好熟悉呢把聲，我望向人群入面，有個女仔企左出黎
“Christie...！？”
點解佢會知我喺呢到？
點會咁？究竟發生咩事？？
忽然間好頭暈，思緒亦變得好混亂， 眼前一黑之際
“阿B，佢係邊個黎？”
喺芷悠，佢滿臉困惑地問我
我嚇左下，尚未回神，只識得苦笑作回應
你叫我點答你？
佢係我現任女朋友啊，喺你離開我身邊嘅時候
一個人走左去東京追尋你嘅夢想之後
佢出現左，咁我地咪好自然咁一齊咗囉，
你問我點解？
咁你呢段時間又去左邊啊！？
點解你無搵過我啊？
你究竟係去追尋你嘅夢想，
定想放低我啊！
點解連一個叫我死心嘅答覆都唔比就消失左？
點解你可以咁狠心丟低我一個人走左去！！
係喎，唔記得左，我地係姐弟...
我真係天真到以為我地係情侶...
咪住先...?
“啪！！”
Christie 一巴摑左落我塊面度
“蔣樂晨！呢個你家姐嚟架！你唔愛我！Fine！
但你知唔知自己依家做緊咩呀！？亂倫啊！你係咪痴左線呀！？”
“吓... 我...”
我已經LAG哂機，究竟我眼前嘅畫面係咩一回事？
（四）
“嗚... 嗚.......”
芷悠喊住奔走，一身雪白華麗嘅Slim A-line亦隨風飄盪，
而映入我眼簾嘅，卻係一段段我同芷悠嘅回憶...
蔣芷悠
我由傾慕你，到同你相戀，真心相愛；
覺得呢一切都太奇妙，同時好掙扎，因為我地身份上嘅矛盾
我決定唔理，將所有嘢拋諸腦後。
我一心一意想同你喺埋一齊
就算面對誘惑，我都克服到，我地都通過考驗
明明我以為我地可以唔理世俗眼光，可以一直相愛
到我下定決心，想同你走到世界盡頭
從此隱性埋名，生對仔囡
永遠過住簡單彼此相愛嘅生活
喺呢個時候... 偏偏喺呢個時候，
你要去東京出席演奏會，我知道呢次對你嚟講喺好重要
我只怪我自己太平凡
無一技之長，只可以喺你身邊為你打氣去支持你
其實我根本無野幫到你，就連我地嘅幸福
我都無能力捉緊
然後目送你離開，你一聲再見，就已經成為我地永遠嘅道別
你無回音，我一直等
一年... 兩年... 三年...
到我出黎做嘢，你依然都無回音，連一封信一個電話都冇
我嘅思念，你有冇感受到？
你電話壞左？哈，係啦一定係
郵局寄失封信？有可能！
咪住！會唔會喺發生咗咩意外！？
好多個假設喺我腦海不停閃過，更加不斷蠶食我意志
輕生？我有諗過，但如果呢個時候你返左黎...
所以唔得，我要重新振作，但結果每日都重覆住呢個畫面...
我嘅怨恨，你有冇感受到…
（五）
原來，我真係好痛苦
我同你分開左半年之後，每晚都偷偷地喊
我好恨你，我覺得自己變得好扭曲
跟住又同自己講要振作，唔可以令你失望
結果一晚又一晚重覆入你房，幻想同你做愛
然後再望住窗外，又再抱膝痛哭...
我好累...真係好辛苦...
但如果你問我，會唔會後悔當初開始咗呢段感情
唔會，因為我真係好愛你
而呢一刻，喺我眼前嘅你
著住最美嘅婚紗，一頭最美麗嘅長髮
而你，選擇再一次背住我走
係咪仲想再一次離開我？
“係咪仲想再一次離開我！？” 我伸出手臂失控怒哮
我唔可以再比你走，
我已經受夠
我只係想你知道，其實失去你
比死更難受
但傷心嘅你已經埋沒左理智
一手扯走頭上嘅髮飾，
然後再一次
埋葬我地嘅愛情…
“啊！！！……”
“蔣芷悠，我愛你”
我緩緩將手中嘅戒指套落去纖幼嘅無名指上，
“蔣芷悠小姐，你願唔願...” “我願意”
未等牧師講完, 芷悠已經甜絲絲笑住答。
“我都愛你，蔣樂晨”
呢句說話我究竟等左幾多年, 一直以黎背負住呢段見光死嘅戀情
今日, 終於可以修成正果
我忍唔住流眼淚, 眼淚充滿歡欣, 當然亦夾雜住悲傷...
爸媽都無出席我地嘅婚禮，
當然連我果個霸氣大家姐都唔喺到。
原因係我無請佢地黎，
在座嘅都係當地居民
就連個牧師都係當地住嘅華人
無錯，呢度係芬蘭，
我地決定喺度舉行個簡單嘅婚禮，
為我地呢段歷盡辛酸嘅愛情長跑劃上句號，
正式為生活揭開新一頁，
正式去肯定我地嘅身份；
亦都正式放棄我蔣家孻仔嘅身份...
一路以黎我唔想芷悠背負住罪惡感，所以我曾經打算改姓氏
“我地無錯，所以我地更加唔可以否定自己嘅身份，
你始終係蔣樂晨，我始終都係蔣芷悠，
我愛你阿b”
仲記得果陣你眼神好堅定咁望住我講呢番說話，
原來你比我想像中更堅強更成熟，好多謝你
因為你，我今日先可以企喺呢度，
勇敢去面對與生俱來嘅身份。
（二）
“阿B，做咩啊，笑下啦”
“咩啊，呢到大風渣麻”
講係咁講，但其實我已經喊到痴線
我自問都算幾忍得喊，就算腳指尾拉西掃中枱腳
都面不改容
但係呢刻真係忍唔住，就好似大壩缺堤咁，
已經唔想再抑壓我嘅情感
“阿B...”
芷悠對住我額頭輕吻左一啖，我抬起頭望住佢
原來佢都已經喊緊
皮膚白哲嘅佢，水汪汪嘅雙眼流出一絲眼淚，
連鼻翼都漸變泛紅
好靚... 真係好靚...
佢嘅雪花容貌已經徹底融化左我個心
芷悠用手指輕輕一抹眼淚淺笑：“衰人，你搞到我個妝溶喇”
我好認真望住佢：“但你喊仲靚喎...”
無錯，佢的確連喊都好靚，可能情人眼裏出芷悠
無論佢咩表情我都覺得好靚，剩係望住佢我已經好滿足
佢好含蓄咁扭檸左一下，我就順勢抱佢入懷
“蔣芷悠，你唔再係我二家姐，你已經正式成為我老婆”
“仲有以後你間房就係我間房，我朝朝起身都要見到你，
我地會組織個小家庭，好幸福咁生活落去，直到變成呀公呀婆”
“然後我地會..”
“嗯...”
芷悠抬起頭含情脈脈咁望住我回答
“我剩係想一直留喺你身邊...”
我開心到流露出幸福嘅笑容，然後輕輕靠近佢嘅嘴唇，
合埋雙眼深深咁錫落去
呢個時候在場嘅人都企哂起身拍手，
牧師當然循例咳兩聲然後宣佈：“咁我喺呢到祝福兩位新人...…“
我已經無理到個牧師講乜，為左芷悠我可以放棄所有
我眼裏面就只有佢
而呢一刻，我終於夢想成真
（三）
“你喺度做緊咩！？蔣樂晨！！！”
好熟悉呢把聲，我望向人群入面，有個女仔企左出黎
“Christie...！？”
點解佢會知我喺呢到？
點會咁？究竟發生咩事？？
忽然間好頭暈，思緒亦變得好混亂， 眼前一黑之際
“阿B，佢係邊個黎？”
喺芷悠，佢滿臉困惑地問我
我嚇左下，尚未回神，只識得苦笑作回應
你叫我點答你？
佢係我現任女朋友啊，喺你離開我身邊嘅時候
一個人走左去東京追尋你嘅夢想之後
佢出現左，咁我地咪好自然咁一齊咗囉，
你問我點解？
咁你呢段時間又去左邊啊！？
點解你無搵過我啊？
你究竟係去追尋你嘅夢想，
定想放低我啊！
點解連一個叫我死心嘅答覆都唔比就消失左？
點解你可以咁狠心丟低我一個人走左去！！
係喎，唔記得左，我地係姐弟...
我真係天真到以為我地係情侶...
咪住先...?
“啪！！”
Christie 一巴摑左落我塊面度
“蔣樂晨！呢個你家姐嚟架！你唔愛我！Fine！
但你知唔知自己依家做緊咩呀！？亂倫啊！你係咪痴左線呀！？”
“吓... 我...”
我已經LAG哂機，究竟我眼前嘅畫面係咩一回事？
（四）
“嗚... 嗚.......”
芷悠喊住奔走，一身雪白華麗嘅Slim A-line亦隨風飄盪，
而映入我眼簾嘅，卻係一段段我同芷悠嘅回憶...
蔣芷悠
我由傾慕你，到同你相戀，真心相愛；
覺得呢一切都太奇妙，同時好掙扎，因為我地身份上嘅矛盾
我決定唔理，將所有嘢拋諸腦後。
我一心一意想同你喺埋一齊
就算面對誘惑，我都克服到，我地都通過考驗
明明我以為我地可以唔理世俗眼光，可以一直相愛
到我下定決心，想同你走到世界盡頭
從此隱性埋名，生對仔囡
永遠過住簡單彼此相愛嘅生活
喺呢個時候... 偏偏喺呢個時候，
你要去東京出席演奏會，我知道呢次對你嚟講喺好重要
我只怪我自己太平凡
無一技之長，只可以喺你身邊為你打氣去支持你
其實我根本無野幫到你，就連我地嘅幸福
我都無能力捉緊
然後目送你離開，你一聲再見，就已經成為我地永遠嘅道別
你無回音，我一直等
一年... 兩年... 三年...
到我出黎做嘢，你依然都無回音，連一封信一個電話都冇
我嘅思念，你有冇感受到？
你電話壞左？哈，係啦一定係
郵局寄失封信？有可能！
咪住！會唔會喺發生咗咩意外！？
好多個假設喺我腦海不停閃過，更加不斷蠶食我意志
輕生？我有諗過，但如果呢個時候你返左黎...
所以唔得，我要重新振作，但結果每日都重覆住呢個畫面...
我嘅怨恨，你有冇感受到…
（五）
原來，我真係好痛苦
我同你分開左半年之後，每晚都偷偷地喊
我好恨你，我覺得自己變得好扭曲
跟住又同自己講要振作，唔可以令你失望
結果一晚又一晚重覆入你房，幻想同你做愛
然後再望住窗外，又再抱膝痛哭...
我好累...真係好辛苦...
但如果你問我，會唔會後悔當初開始咗呢段感情
唔會，因為我真係好愛你
而呢一刻，喺我眼前嘅你
著住最美嘅婚紗，一頭最美麗嘅長髮
而你，選擇再一次背住我走
係咪仲想再一次離開我？
“係咪仲想再一次離開我！？” 我伸出手臂失控怒哮
我唔可以再比你走，
我已經受夠
我只係想你知道，其實失去你
比死更難受
但傷心嘅你已經埋沒左理智
一手扯走頭上嘅髮飾，
然後再一次
埋葬我地嘅愛情…
“啊！！！……”