我要寫出一個好好好好甜既好故事: 第十一章 磨柱

  經過幾日自憐自艾之後,

明明諗過以後就咁算數,

唔再去諗阿瑩,但

係由於人類總要犯下重複既錯誤既原因,

我上堂都時不時偷偷地用眼角望下阿瑩,





依家阿瑩同阿楠坐,

見到阿瑩時不時因阿楠既黃故微笑,

我個心都有啲安慰,

始終前排上堂嗰陣唔理阿瑩,

雖然我同佢冇乜關係,





但令到佢傷心點都有啲內疚,

「唔得!你依家已經唔係汪瑩既邊個啦,唔好再諗佢了」

我內心既聲音提醒我,

我望出窗外,

只見一縷縷陽光依靠在牆邊,





這時正值初夏,

蟬鳴響得令人心煩,

特別是旁邊坐著一個不認識的女孩,

令我更加不知所措。

有一次派作文,

偷偷見到佢個名,

原來佢叫做陳瑤,

見到佢寫得一手好字,





令我不得不佩服,

陳瑤既字雖然潦,

但係每隻字都相連,

令人感覺好似寫書法咁,

唔知點解佢對其他人睇到佢寫既字好介意,

有一次佢見到我望住佢篇作文,

即刻用手遮住,





眼神仲閃閃縮縮咁,

可能因為咁令我唔想同佢講野,

因為佢份人真係好奇怪,

唔知大家身邊會唔會有呢種女仔,

好安靜,

好平凡,

睇落黎與世無爭咁,

所以存在感好低,





可能十年之後既同學聚會,

講返起先記得,

原來有一個咁既人存在過,

又有邊個會估到,

呢一種女仔原來先係隱世高手?

喺之後一次既機緣巧合之下,

我先有機會見識到佢嘅盧山真面目。







  更加令人痛心既莫過於小息既時候,

相信大家都知道,

中學既情侶係點相處,

無錯,

就係活生生喺你面前不斷咁放閃光彈,

完全無諗過途人既感受,

無差別攻擊,

經歷完苦悶既英文堂之後,

本身我嗰心已經好攰,

唔希望再受到任何打擊之際,

阿瑩既男朋友以勝利者,高高在上既姿態行入黎,

仲好得戚咁望咗我一眼,

點解佢會睥我一眼?

相信有女朋友既男性讀者都會試過,

感應到有威脅既對手既時候,

都會特登望過去,

除左係比對方一個警告之外,

仲有宣示主權既作用,

如果喺女仔既,

實因為男朋友既霸氣而感到自豪,

可惜我只係一個路過既Small potato,

對呢一種行為我感到好無奈,

不過見到阿瑩眼中閃過既一絲擔心,

我都不禁有點開心,

原來佢仲關心我!

但係阿瑩個男朋友行過去之後,

阿瑩隨即開心到衝過去抱著佢,

引用網絡上既一句說話,

無錯,
就係虐狗,

我的血條已經快要耗盡了,

與此聽到身邊一聲又一聲既哀嗚,

而阿瑩似乎都察覺到佢地既殺傷力,

所以靜靜雞拖住男朋友行出去班房,

不過小學雞就真係小學雞,

過左幾秒大家就已經乜事都冇咁,

繼續吹水,癲叫,

我真係唔明點解一個班房可以嘈成咁,

「喂,阿朗你落唔落去打波?」

好奇怪咁我竟然聽到阿威既呼喚,

「唔啦,之前比訓導罰得仲唔夠咩?」

我擺擺手,

示意唔去,

但之後見到阿威望住阿楠,

阿楠又望住阿穎,

之後佢地笑淫淫咁走埋黎,

正當我諗緊佢地想做乜嗰陣,

阿楠已經用一招反手扣住我雙手,

我諗住掙扎之際,

阿穎同阿威都衝左過黎,

捉實我雙腳,

雖然之前都見過佢地做乜,

見住阿威痛苦既樣子,

雖然好似好慘,

但係我每次都忍不住偷偷地笑,

但係估唔到他朝君體也相同,

我望住天花板既燈光,

我既視野好模糊,

漸著一下又一下既撞擊,

我既靈魂已經飄出肉體,

望住阿瑩點同佢男朋友親熱,

佢男朋友隻手

喺阿瑩的身上遊動,

條脷貪婪咁吸吮阿瑩口中的玉液,

櫻桃小嘴被壓得異常紅潤......



  「喂,阿朗,係咪磨得太爽所以傻左?」

阿威好大力咁搖我既身體,

我既意識終於恢復了,

我望一望班房外,

見到阿瑩愁眉不展既樣子,

眼中既表情令我記起當初canteen,

阿瑩將佢嘅撈麵比我食既時候,

「點解,明明你已經有男朋友,點解仲要咁關心我?」

我望住阿瑩,

但之後佢男朋友拖住阿瑩,

慢慢向走廊的另一邊走過去,

我好想衝出去,

攬住阿瑩叫佢唔好走,

但係記起自己既身份,

我只可以眼睜睜咁睇住阿瑩既眼神消失,

連挽留她的勇氣都沒有,

我繼續訓喺地下,

聽住班房的喧嘩,

望住令人心眩的燈光,

感覺世界拋離咗我,

原來失去阿瑩既我,

係可以咁驚惶失措。




_____________________________________________________________________________________________________________________________________________




 




 聽日考數學,唔知會點呢?

嘻嘻,各位加油。