《唔係啩！我間房幅牆有個窿》: Chapter 16
接下來的一個月，每逢星期日做義工後，也會跟Carmen、水靈和Ron一起吃飯。跟Ron相處多了，發覺他很愛錫水靈。而且聽水靈說，他愛屋及烏，對她的家人也很不錯。看來水靈沒有選錯夫婿，我也替她感到高興。死妹釘方面，三月尾時她告訴我政府果然將淘大E座隔離了，而Ron因為聽從她的意見，全家在隔離之前先住在別的地方而逃過一劫，亦因為這件事令到他們的關係更加親密。至於Carmen，我間中上下班時也會約她一起去吃早餐或晚飯。雖然相處多了，但她還是有點沉默寡言。不過還好的是，她也不抗拒我的邀約，明晚我就約了她去看電影。
我站在衣櫃前，正在挑選明晚跟Carmen約會的戰衣。正苦惱之際，風鈴卻噹啷噹啷的響起來。
我拿起紙杯道﹕「咩事呀? 我而家好忙呀！」
水靈焦急道﹕「我聽日約左佢去自修室溫書呀，你快啲幫我睇吓咁樣著好唔好啦！」
哈！她也正在挑選衣服嗎?
「好啦好啦，睇吓你著成點? 」接著我將眼睛湊在洞上。
一看之下，真的叔叔不行鳥！只見她穿著吊帶背心迷你裙，再配上黑色絲襪，一雙長腿在黑絲的包裹之下顯得特別修長。至於上半身，雖然她並非波濤洶湧之輩，但穿起吊帶背心還是挺有看頭的，而且露出了迷人的鎖骨，更增添另一番女人味。
她雙頰緋紅，忸忸怩怩的站著，手上拿著束頭髮的橡筋又拉又扯的，顯得極不自然。
「哎呀！」她驚呼一聲，原來是手上的橡筋丟到到上了，她馬上彎腰一撿......
砰！
嗚呀！她彎腰時露出的乳溝害我把頭撞到牆上了......
她已經撿起了橡筋站起來，聽到「砰」一聲後問道﹕「咦? 咩聲呀? 」
我連忙解釋﹕「無...我書枱本書跌咗落地下啫......」
她沒有在意，緊張的問道﹕「點呀點呀? 我著成咁得唔得呀? 」
我喉乾舌燥，吞了一下口水道﹕「你...你搞咩呀? 著成咁想色誘佢呀? 」
她紅著臉嗔道﹕「又係你話要著得性感啲嘅！」
性感也不用這麼露骨吧? 你這樣子簡直是引人犯罪啊！
「性感都分好多隻㗎，你而家呢款......嗯...你可唔可以性感得嚟又含蓄少少，比返多少少少女嘅味道出嚟呀? 」我不敢直接說她穿得淫蕩，怕她一下子發飆了。
「你好麻煩呀！咁即係點呀? 」
「唔要黑絲襪同埋迷你裙，嗯...你有無長啲嘅裙呀? 」
「有有有！你等等。」說罷已經將洞口遮掩著。
等了一會兒，我聽到她道﹕「得啦。」
我又從洞口看過去，這次她穿了一件及膝裙，雖然上半身還是背心，但比起剛才那一件吊帶的含蓄得多了。
「嗯，咁就差唔多，你再著多件薄外套就啱喇，性感之餘又夠少女味，一定引死佢。」
「加件外套會唔會含蓄得滯呀? 」
「件外套呢，就主要唔係比你著嘅，係比你除嘅。你到時把握時機，除咗件外套show一show你個膊頭，show一show好喇，唔好show太耐，跟住就著返佢，佢一定比你引到流哂口水。」
她紅著臉道﹕「你估佢係你咩！咸濕伯父！」
「信我啦！男人都係咸濕㗎！我教多你一樣嘢啦，對付男人最緊要虛虛實實，約隱約現，睇到啲又睇唔到啲，咁樣先可以吊到佢條癮。如果你一開始就比哂所有嘢佢，佢覺得無挑戰性好快就會無新鮮感搵過個啦。仲有你平時同佢相處都係，一定要欲迎還拒，忽冷忽熱，介乎喺冷淡與熱情之間，正所謂一啖沙糖一啖屎，搞對佢籮籮攣，個男人先會覺得有挑戰性，先會主動出擊。咁到時唔駛你表態佢都會主動追你啦！」
「唓！都唔知係咪嘅！」
「我幾時有昆過你啫? 」幫她選好衣著，我想起有事情要問她﹕「喂你有無幫我問下小Carmen佢屋企發生咩事呀? 」
「有呀，我study leave之前有專登去搵過佢，不過佢真係變咗好多，好似好唔開心又唔願講嘢咁，我問極佢都唔係好肯講係咩事。不過放心啦，你比啲時間我，等我考埋試我會搵佢傾吓啦，到時再話你知啦。」
「咁唯有係咁啦。」她正在考會考，我也不想太麻煩她，這件事唯有等她考完試再說吧。
「係喎，咁你而家同阿靜發展成點呀? 」她辦完了自己的事，就開始八卦我的事了。
「幾好呀，我聽晚約咗佢去睇戲。」
「哈唔錯喎！駛唔駛我比啲意見你著咩衫呀? 」
「嘿！就憑你? 唔知頭先係邊個教你著衫呢? 」
「唓！男人睇女人同女人睇男人又點同啫！」
說的也是，聽一聽她的意見也無妨吧。
「好，你等等，我著套衫比你睇吓。」接著我換了一套比較斯文的偽文青裝束。
「得喇，你睇吓。」
過了一會，她道﹕「呀估唔到你呢個大叔換返套衫都似返個人樣喎......我即刻諗到用八個字形容你，就係衣冠禽獸，斯文敗類。」
先不管「禽獸」和「敗類」，另外四個字是稱讚我穿得好看吧！這個死妹釘，讚人還要損一損對方。
「哈！我當你係讚我著得好睇㗎啦！」
「嘖！唔知醜！......不過呢，我覺得你戴返副眼鏡會好睇啲。」
「會咩? 」沒有近視戴甚麼眼鏡?
「嗯！我記得阿靜講過呢，佢覺得戴眼鏡嘅男仔睇落去會斯文啲。」
「係吖? 不過而家都買唔切啦，下次先啦。」然後我打了一個呵欠﹕「喂好夜啦，我要瞓啦，你聽日加油啦。」
「你聽日都加油啦！晚安。」
我放下紙杯，眼角瞄了那洞一眼，驟然覺得洞孔好像小了一點。於是我湊近看清楚一點，又發覺好像跟之前一樣。
大概是睏了眼花吧，還是早點睡好了。
第二天晚上，我跟Carmen順利約會。雖然我還是沒敢觸及她的家事，不過這一次她很樂意分享她工作的情況，還有一些在外國的見聞，總括來說整個約會還是很愉快的。至於死妹釘，由於當晚那個洞沒有出現，我只好留待下次再問了。