今日我出街,見到隻豬係天上飛: 第三章 月台

「唉,我都唔知啊,都唔知乜鬼野黎,點算好?」阿明問,其實阿明咁講一定係以為我遇過呢種事情,而我亦知道點去解決,而佢應該諗多左,無計啦,唯有見步行步,但老實講,出外麥記之後,我地就行去搭地鐵,望住月台塊鏡,我都係忍唔住思考阿明同我究竟有咩共同點,話哂佢都算稱得上男神,家庭經濟狀況更加係唔駛講,住背山面海,佢份人又夠Social......正當我係到諗個陣,阿明啲「女fans」又黎了,「你好,可唔可以問你拎電話呢?」一個身高約1.58,扎馬尾,笑起來有酒窩的女仔,似乎喺身邊兩個朋友的慫恿之下,鼓起勇氣向阿明拎電話,阿明又用佢平時既眼光,打量嗰女仔,然後露出笑容「當然可以,很高興認識你。」奇怪的是,這女仔的聲音聽起來有點熟悉,可能是記錯吧,隨著安全閘的打開,我們也進入了車廂。




入到車廂之後,原本主動問阿明拎電話既女仔反而自己行埋一邊玩電話,而佢有個朋友就主動行埋阿明身邊,仲拉埋另外一個女仔去,「Hello,我叫做Vanessa,而呢位咁怕羞既就係陳敏啦。」阿明一向抱著來者不拒的心態,而且從阿明的眼神可以看出,他對阿敏有意思,可憐的Vanessa啊,睇黎只可以幫一對情侶做媒人了,阿明跟她們大談興趣,生活現況,我也聽過類似的對話幾次了,於是我除了對答一些簡單問題外,還不忘望出窗外,睇下可唔可以發現「飛豬」的行蹤,但是窗外除了雨點及建築之外,亦沒有什麼特別之處,於是我的注意力便轉回了車廂的另一邊,獨自在聽音樂,扎馬尾的女仔,由於阿明及兩個女仔傾計個陣無視左我,所以我就行過去車廂的另一邊,在馬尾女仔的面前揮了幾下手,佢不解地望著我,於是便除下了耳機,「咩事?」佢既語氣好冷淡「你...你叫咩名?」我好緊張,因為硬係覺得之前聽過佢把聲,咦?唔通係麥記撞到我嗰嗰女仔?「關你咩事,我叫阿琳。」雖然好串,但係佢份人應該幾有趣「冇啊,想知下姐,我叫阿強。」我尷尬咁笑住答佢「係呢,你今日有冇行過麥記?」我當然要試探性咁問「好似有,關你咩事?」佢仲係好串「你見唔見到有個男仔一直望住個天?」我知道就黎找出答案「天?咪住,你唔好同我講你就係......」佢嗰嘴已經O左,其實有咩好驚訝姐?「無錯,就係,好高興認識你。」我面露笑容,不過應該冇阿明咁型。