今日我出街,見到隻豬係天上飛: 第一章 眼花

  人同豬之間,有著一種好奇妙既關係,亦敵亦友,點解咁講呢?你望住屋企個罐午餐肉,再望下自己既肚,你就知道今日唔可以亂黎。無,其實係因為豬可以同時係寵物,又可以作食物之用,就連百家姓入面,都有用到諧音「朱」,今人有曰:「人為朱自清」,可見豬對人的重要性,麥兜,更加喺我由細到大最鐘意既卡通片之一,肥嘟嘟的肚腩,天真無邪既笑容,的確陪伴左我唔少時間,嗰一段單調但有趣既時光。我成日都會發夢.夢到一群豬衝過黎,但係我又唔會驚,反而抱住最大隻既豬,直到醒個陣,都仲感受到豬既體溫,有時候因為咁可以開心成日。但係我發現,當一群豬衝過黎個陣,並唔係想像中咁好。

  今日啊媽冇煮餸,我唯有死死氣咁落街啦,M記?譚仔?大快樂?正當我思考人生中最深奧既哲學問題,不禁抬頭仰望天空,隱約見到一嚿野慢慢咁飄過黎,好似氣球咁,但係,絕對唔係氣球黎!我當場停左喺到,後面有個女仔撞左上黎,仲講左聲「sor」就急急腳向前走,我無留意嗰女仔係點樣,應該話我根本冇心機去睇。如果你話,喺UFO飛過,我可能都冇咁驚訝,始終世界咁大,有乜咁出奇。但係依家,有隻豬喺高空上飄過,就好似徐志摩咁,不帶走一片雲彩,我明白香港人大多數係低頭族,Come on,Hong Kongers,大大隻豬喺空中飛過,就算唔驚訝,打下卡都應該吧?不過,由於我仰頭的姿勢,也吸引了不少人抬頭,「痴線,都冇野睇嘅。」其中一個老婆婆大聲呼喊之後,街上既人都放棄抬頭,繼續行前,剩低一個小朋友陪我作戰,「哥哥,到底有咩野睇啊?」小朋友不解咁問「小朋友,你幾時見過有豬會喺空中到飛?」我答佢,但喺眼光依然停留係豬上面「邊到有啊,你都傻既,哈哈!」講完之後,就連小朋友就走遠了,「咩啊,咪就喺......」正當我望著走遠既小朋友,諗住同佢講我視力2.0之際,我再望向天空,wow,隻豬唔見左,點會咁架?唔通比人食左?!我一臉錯愕的表情同街上既人無奈既表情相襯,佢地應該心諗呢個人應該唔記得吃藥,我突然發現成條街既人都望住我,於是我快步咁跑入M記,叫左個四分之一磅,成程仲要忍受其他人既異樣眼光,真係未試過咁有主角光環,於是我擺低左張廿蚊,一句「唔駛找」就急步走返屋企,連飽都唔記得拎,我返到屋企,就立即上網,喺GOOGLE找「豬在天上飛」等關鍵字,無言的是,除了一些FACEBOOK專頁,小遊戲,甚至英雄聯盟的名字之外,我找唔到相關的資料,咁我就試下找圖啦,而找到既係以下呢幅圖


痴線,好明顯係P圖黎,於是我唔忿氣,於是找到另外一幅



算,我放棄了,這個世界已經放棄我了,我唯有當係自己既一次錯覺,不過真係諗唔到我日思夜想既豬,竟然會用呢種形式出現係我面前,啊唔係,出現係我頭上,我打比我最好既朋友,阿明,就算佢唔會相信我,但我相信佢始終會理解我。於是,我撥起了阿明的電話「喂,阿明?」「阿強?咩事?唔好講住,你知唔知我頭先望對面樓,點解就唔講啦,但係我突然望到有隻豬喺天上飛喎,拿今次真係唔係吹水,喂?......」