遲來一年的表白，我們還剩下多少時間?: 四.心動的感覺

戰戰競競咁度過左星期六(當晚仲同Ken打LOL) ，話咁快就到左星期日，我早就係星期五放學同哲頭仆到去一個頗為遠既戲院買飛，完全唔洗擔心無飛睇，可惜買果時無晒雙人位，正確D黎講係根本就無雙人位，結果只係買左前排既飛。
 
今次可以話係我識左Ada兩年幾第一次出街，當然係未出發先興奮啦。為左唔好遲到，我特登早左成半個鐘出到去等Ada，而見到佢黎既一刻我突然變得手足無措，真係紅都面晒，直到佢行過黎，笑住咁同我講「等左好耐喇?」，我個比佢勾走左既魂魄先番到黎，『唔係呀，等左一陣姐。』我笑住咁答。
 
之後我地肩並肩咁行去戲院方向，仲處於飄飄然狀態既我依然係唔敢伸手拖住佢，係呢個時候我望到佢眼中閃過一道不滿既眼神，唔知點應對既我當然就立即搵話題講啦。
 
卒之撐到去查票員到，咁我就囉飛+學生證出黎啦, ，點知我搵左成分鐘都搵唔到學生證，正當我想放棄而去補錢既時候又比我搵到喎，不過呢，一囉出黎就飛左去九丈遠，擊中個查票員，果刻我feel到全場人既目光都係我身上，真係柒到想搵窿捐，而最重要係Ada係到，真係唔想失霸氣都唔得。最後只好承受住眾人既恥笑，急急腳步入1號院。
 
入到去坐低，先發現原來Ada都係到偷笑，我即刻心諗『HI! 真係柒到落腳指尾!』，可能佢都知我唔開心，所以都冇繼續落去，好在呢個時候套戲都開始，唔洗擔心Dead Air。
 




有睇過《西遊降魔篇》既朋友都知套野唯一會令女仔(或膽小人士) 驚既就係一開波果條唔知會係邊到彈出黎既魚，就係呢條HIHI魚，令到我無晒心機去睇呢套戲。點解? 因為係條魚彈起既一刻Ada就嚇到橋住我隻手，我呆左幾秒之後望一望佢，佢就對住我奸笑左一下，好似同我講: 「由呢一刻起呢隻手係屬於我嫁喇，HEHE」，之後繼續專心睇戲，我除左Feel到warm之外仲感覺到個心跳得好快，感覺同初戀一樣，好甜。
 
睇完套19戲(完全唔知up乜)之後我地就計劃去食lunch，問題黎喇，一出到商場之後我就係到猶疑緊拖唔拖佢隻手好，當佢問我: 「咁你想食乜呀?」既時候我都仲係發緊呆，結果竟然係佢一野拖落我隻手到。
 
 
 
「望咩姐…咁人地見你咁耐都唔拖我隻手嘛…」Ada紅住面咁講。
唔知大家仲記唔記得，第一次拖女友隻手係咩感覺，而我除左心跳加速、面紅、出手汗之外，我亦發現在下既細佬都好比面咁起左立，雖然我著緊牛仔褲，但係都好明顯見到有個突起物，好在Ada並無發現呢件事…
 
最後係食完野到送佢番去既過程我地都十指緊扣，雖然大家都有手汗，但係都無話好介意，而去到佢屋企樓下我仲鼓起勇氣攬住佢(順便抽下水) ，之後就依依不捨咁講ByeBye。




 
番屋企既途中我望住拖住佢果隻手，有種莫名既興奮，今日我諗我可以同自己講句，
 
「Terry,你有女朋友喇!」