遲來一年的表白，我們還剩下多少時間?: 二.沖動

『喂? 係咪Ada呀? 』
電話接通後，我就立刻問道，結果電話中傳黎既只係收線後既「嘟…嘟…嘟…」
姐係咩野意思? 我係咪比人玩緊? 我唔知。
而係呢個時候，我兩個朋友亦都見到我，正係行緊過黎。我唯有過去搵左佢地先，無理由出到黎淨係掛住部電話。
「喂，呀爆，哲頭。」
 
就係咁，我跟左佢地行第一次山，但係上山途中電話又再次收到訊息：「Sorry呀，唔小心Cut左線..」
活動中我唔想因為我處理自己既感情問題而影響到佢地既進度，所以我只係快快手咁回左句：「我行緊山，有咩遲D先講。」
 
到大家都攰，坐低吹水既時間，哲頭睇得出我有D唔妥，於是就探下我口風，鬼叫佢係我死黨咩，我咩都講晒出黎。佢地聽完之後叫我打多次比Ada，但係我已經無勇氣再打比佢，我認我係懦夫。




落山之後電話響起，係Ada打黎，我行埋一二邊接左呢個電話。「err…Terry呀，我真係認真嫁，你可唔可以應承我，做我男朋友? 不過唔應承都無問題嫁…我只係唔想自己後悔…」 『你比小小時間我考慮下好冇? 不如我今晚打比你丫…』我咁講，係因為我覺得一切太唔現實喇…我仲未接受到Ada同我表白既事實。
 
番到屋企，係我沖完涼之後我無好似平時咁打機，反而番左上床上面，打左比一個人—我既ex 呀月。
『呀月，你記唔記得我之前咪同個女仔表白既..? 』
「哦,Ada丫嘛，果次你表白失敗之後仲打比我喊左成幾個鐘tim，呀！喊足成個星期，搵足我成個星期。做咩呀，你唔係死左心嫁喇咩? 又鍾意番人呀?」
『咁淤既野就唔好提啦! 我果次表白之後就無搵過佢，都成年有多喇，但係點知佢今日搵我，同我講話鍾意我，仲叫我做佢男朋友，我應該點…』
「咁你仲係咪鍾意人丫? 鍾意人咪同佢一齊囉! 仲走黎問我!」『但係我地成年無聯絡，點都有D疏遠左，一時間要發展到情侶，係咪有D快?』
「你咁講姐係仲鍾意人啦!」
『小小啦…』
「咁咪做番朋友先囉，唔好阻住我溫書喇，係咁啦，拜拜。」




『哦…bye..』
識左呀月咁多年，佢真係好少咁樣收我線，可惜我當時無留意到呢樣奇怪既野，只係繼續諗應該點做。
 
但我諗佢都講得無錯，再由朋友做起，慢慢發展我同Ada既關係啦! 一於咁話!
個晚我打左再個電話過去比Ada。
 
『喂,Ada?』
「係…」
『點解你會鍾意我既?』我問左個我好想知既問題。
「Err, 無嫁，鍾意咪鍾意囉，有得解既咩?」




『呢句係我同你表白既時候同你講嫁囉，你抄我!』原本以為我地會無咩講，但其實大家都記得對方做過D咩，講過D咩…
傾左大半個鍾，佢卒之都係問左句：「咁你會唔會做我男朋友?」
雖然我已經係第三次比女仔表白，但係我都係唔知點反應，原本準備好既台詞: 『不如我地由朋友重新開始?』
卻講唔出口，我靜左幾秒，之後講左句:
『呢句唔應該係由你問，XXX(Ada全名) 你可唔可以做我女朋友?』
經過幾秒既Dead Air 後，我聽到一句
「好啊!」
 
而呢一刻我腦中就響起FF入面既勝利音樂
http://www.youtube.com/watch?gl=TW&NR=1&v=glu5wr5LRm4&hl=zh-TW