《萬物之靈》: 第三十五回 過去
（此回哈帝斯及艾路言語會以粵語呈現。）
『爸...爸爸？』
哈帝斯面上首次出現了驚慌的神色，而且內裡還隱藏著點點淚光？
『哈仔，我地都好耐無見啦。』
那黑煙的輪廓已是越來越清晰，甚至不難看到那黑煙生前的模樣。頭上有著少許的白髮，臉上有一條微微的傷疤，是怎樣造成的呢？
他們是父子的關係嗎？難道那是傳聞中的克洛諾斯嗎？可是怎麼看起來只是一個普通的老頭子...
『爸爸...點解你會係到？』
哈帝斯眼裡的淚水終於再也忌不住，竟開始緩緩落淚。
『其實我...一直都係到。』
黑煙掛上慈祥的笑容向哈帝斯道。看到此情此景，我們一行五人都各自停下了動作，先好好看清楚事情的發展再作打算。
『自從嗰件事發生之後，我知道左你既身分。』
『亦都因為咁，我決定左即使無得轉生，都要係你身邊，保護你直至永遠。』
『為既...就係依家呢個時候。』
縱使那人是由黑煙所構成，但此時此刻不知道是我們眼花還是真實。那人竟然從黑煙之中緩緩散發出白光。
『哈仔，你做既錯事已經夠多啦。』
『收手啦，哈仔。』
雖然那人臉上還是掛著滿滿的笑容，但不難看出他現在語中的嚴肅。就像是...一個父親在教導自己的兒子一樣。
『點解...』
『點解嗰次之後我一直都搵你唔到？』
原來，從哈帝斯醒覺那刻起，他已多次尋找艾路的靈魂在哪裡。雖則如艾路般誠心的人，會進天堂並不會是一件值得意外的事。
但作為看管地獄的主人，哈帝斯是如此堅決的相信，他會在地獄中眾多的靈魂之中找得到艾路。他是一直這樣的相信著。
從那時開始，哈帝斯每一天的工作，就是在茫茫靈海之中尋找那熟悉的身影。日復日，年復年，不論過了多久，哈帝斯的信念就是，終有一天會找得到艾路。這亦是作為「地獄裡的上帝」唯一一個簡單，卻又同時完成不到的信念。
『我已經話左，我一直，都係你既身邊。』
那人目光落在了哈帝斯手中的法仗。只見那法仗如今由本來的極度漆黑，褪變至淡色了少許。
哈帝斯低頭一看，彷彿有了頓悟一樣。
『哈...哈哈...原來，我一直最想搵既野，一直都係我身邊。』
哈帝斯不禁發出一陣傻笑，可是內裡卻帶著點點的無奈，以及...失落。
無奈的是，面對至親的離去，甚麼事都做不到。
失落在於，原來其實並不需要為至親做甚麼，他們早已存在於你心中。只是哈帝斯從沒想過會是這樣。
『咁點解，你仲唔去轉生？做咩仲要留係呢到。』
哈帝斯停下那笑聲，隨即向黑煙問道。
『好似我頭先所講一樣，我就係為左保護住哈仔你，一直都係，所以我無去轉生。』
那黑煙終於收起了笑容，並隨即換上了一副帶著淡淡哀傷的樣子。
『其實，從我死左既個一刻，去天堂既路已經為我而打開左。』
『但就係嗰時，我已經意識到，哈仔你對我黎講太重要。』
『即使係我死後既靈魂見到你真正既身分，我有半刻諗過，我大半生人都堅持住人性本善呢個信念。』
『但你竟然係地獄既化身，冥王。』
『我係唔係應該捨你而去，進入天堂轉生呢？』
『當我已經打算踏上天堂既路既時候。』
『我先發現，即使你係冥王，即使你係地獄既化身。』
說到這裡，那黑煙的面容又掛上了笑容，而且，眼淚欲滴。
『你永永遠遠都係我由小培養，投球好叻既嗰個哈仔。』
『我唔可以為左上天堂，而放棄你，睇你自甘墮落。』
『所以，由嗰一刻起，我已經放棄左入天堂既機會。』
哈帝斯終於忍不住淚水，那眼淚決堤般湧出來，可能礙於還有我們在這裡，他並沒有哭出聲音來。
沉默的哭泣，卻是最令人痛心的哭聲。
『爸爸...』
『而上帝寬恕過你一次，並唔會好似常人所講既一樣大量。』
『我拒絕左呢次既機會之後，大概以後，都唔會再有機會去天堂啦，哈仔。』
那人的笑容顯得更燦爛了，彷似在訴說失去的，只是普普通通的一樣東西而己。
『為左我...為左我值得咩？』
哈帝斯已收起了他的眼淚，換來的，卻是悲傷的神情。他眉頭一皺，向著黑煙問道。
『唔理點都好，你一日係我既哈仔，一世都會係。』
『仲記唔記得嗰次你比同學仔欺負你，你喊住返黎搵我？』
那黑煙飄近哈帝斯，伸出以煙構成的手捉緊哈帝斯的手。
『係嗰個時候既你，因為比同學仔欺負而唔開心既心情，根本同常人唔會有分別。』
『又記唔記得有一次，你係學校做運動既時候，唔小心跌倒受傷流血，返到屋企我幫你搽藥既時候，嗰陣你痛到喊既樣？』
『呢一切一切，都係你當初最純真，最無修飾既你。』
『所以我一直都相信你，相信住冥王即使係你既身分，但身分唔會局限到你做啲咩。』
『相信住你始終都係嗰個哈仔。』
黑煙手握的力度不其然加強了。
『嗰個可惡既上帝...你花一生去相信住神蹟，去相信住愛。』
『偏偏佢連比多次機會你都唔得？』
哈帝斯在此時竟發出了一聲冷笑。
『可惜，可惜已經太遲啦。』
『所有既野，已經返唔到轉頭。』
哈帝斯話中透著點點失落的氣息，而且現正以憐憫的目光注視著黑煙。
『我準備做既事，已經無人可以阻止到。』
『除非，除非有奇蹟既出現。』
哈帝斯重新將他的目光投射到我們身上。只見他現在眼裡已沒有了猶疑，亦沒有了剛才的悲傷，和感慨。
剩下的只有冷淡。
自剛才哈帝斯使出那招「無間地獄」後，儘管豪哥暫時保護到我地。但我們重新出現時，發現大殿內的樣貌卻是破舊了許多，也許是因為那技能的關係吧。
『無間地獄。』
大殿縱使已破爛不堪，但地上依舊出現那極大的魔法陣。
『啊！』
那黑煙傳來極之巨大的一聲吼叫，全身散發出耀眼的白光，甚至取代了那黑漆漆的煙。
『爸爸...？』
『爸爸你咁做會靈魂幻滅架！唔好啊！』
哈帝斯頓時慌了起來。
『我由始至終都相信住你。』
『相信住我心中既嗰個哈仔。』
『同埋，我話過。』
『我永遠都會守護你架嘛。』
『直至永遠。』