《萬物之靈》: 第十九回 身世

說到這裡，艾克在我身旁亦不禁露出了驚訝的神情。 

『或者咁講，每個時代其實都有當代既亞當同夏娃。』 
『到左我地呢代，已經係第一百九十九代。』 

『然而點解會有咁多代？』 
『因為不論邊代既亞當同夏娃，都逃唔過最後要離開伊甸園呢個命運，從而再出現新一代既替補。』 
『傳說之中既亞當同夏娃，係由於偷食左禁果而被上帝所逐出伊甸園。』 

『其實都只係傳言。』 




『唔知係天注定，定係巧合，每次亞當同夏娃既離去，都離不開同墮落天使有關。』 

又是墮落天使...究竟是誰對我父母痛下殺手？ 

『日後相信你會知道更多，係到我地就唔講太多。』 

『啊...交代完我地既事諗唔到講咩添，老婆。』 
自稱是我父親的男人一面緬腆的向自稱是我母親的女人說。 

『傻老公，唔記得要講下你個仔既事啦咩？』 




我母親說。 

看來我父母的關係十分好，大概是一對模範夫妻吧？但為什麼，為什麼要在我還沒有記憶的時候就離開我呢... 
為什麼要在我還沒有切切實實地感到他們的愛就離開我呢... 

『係喎！仔，不如就講下，你個名點黎啦。』

『梁固然之係我個姓啦...』 

『而合源，乃係由於我同你媽媽都係高等天使，所生出黎既後裔天資大概都唔會差。』 




『而你係出世既時候，身上已經有一種特別既體質，令我同你媽媽知道。』 

『你，可能係世上第一個可以容納全部能量既天使。』 

全部能量？意思是我可以把所有屬性的能量都納入我體內嗎？ 
那這不是太無敵了嗎... 

『合源，合元，意思姐係我地希望你最後可以合齊所有元素能量，成為世上第一人，帶領天使們一齊和平共處。』 

『但當然，集齊所有能量之後會發生咩事，我地都話唔埋，最後都係要睇你造化。』 

『去到呢個時候...我地都無咩可以為你做架啦。』 
『唯一可以做既就係留比你既呢段片，同埋呢樣野。』 

甚麼？我除了這段片我甚麼都沒看到啊。 





『最後，亦都係我地最想講既。』 
『對唔住，乖仔。』 
他們一同說出這句。眼裡淚光再也忍不住，傾瀉而出。 

望向那仍在襁褓的我，平靜的睡著，大概也是因為那時候的我有他們照顧吧... 
那時候的我，會知道父母將會消失嗎？ 

想到這裡，我亦不禁在此時流下眼淚。 

身旁啊雪此時伸出雙手，在我背後靜靜地摟著我。 
此刻，最好的陪伴，就是你在身旁。

當投影結束之後，那眼球狀的項鍊亦徐徐閉上眼睛。 
投影消失，我和父母的見面亦到此終結。 





『原來神眼就係比亞當同夏娃拎走左...』 
『據傳聞想當年佢地以二人之力對抗近二百個既墮落天使，名符其實既以一敵百。』 

「咩話？」 
原來在我進來遺跡時，其中一幅壁畫上刻著那二人，正是我父親和母親嗎？ 
沒想到...我父母親都是如此偉大的人。 

那麼我，也可以成為和他們一樣的人嗎？ 

『既然你係亞當同夏娃既後裔，我亦唔方便向你收返佢地既野。』 
『不如跟住落黎帶你地去見村長？』 

「嗯。」 
我伸手抹去眼下淚痕，暗自決定要為父母報仇。 





接著我們便又跟著艾克依原路回到那小村落，現在細心一看，沿途還有一些極大的昆蟲在飛來飛去。 
在地球上只有半個手掌大小的蝴蝶，在這裡卻是有接近一個人的大小。 
連啊雪亦不禁因此而被嚇了好幾次。 

回到村落後，艾克帶我們走到一間小屋前。 

『村長。』 

『嗯，帶佢地入黎啦。』 
說話者語調低沉，聲音中帶著少許威嚴，作為村長簡直是不二之選。 

另外，我們還沒說話村長已經知道門外有其他人，看來村長亦非等閒之輩？ 

艾克輕力推開那木門。 





映入眼簾的，是一個滿頭白髮正在床上打坐的老人。如果除去他那背部的翅膀，說他是個平常老人家亦不為過。 

『你地好。』


「點解你會知道我地會出現？同埋點解我地可以搵到呢個伊甸園？」 
我還是改不了一緊張就會把話都說出來的習慣。 

『或者我慢慢同你解釋。』 
那老人緩緩的說道。 

『從好耐之前，就有預言話，當第一百九十九代亞當同夏娃消失。』 
『第二百代既替補，將會係最後一代。』 
『咁呢個時候出現外人，亦都唔意外。』 

我們旁邊的艾克聽見老人說出亞當和夏娃時，也不禁有少許撼動了他的心靈。 
是因為村長從沒提及亞當和夏娃的事嗎？ 

『而你地既出現，好難解釋清楚。至於會唔會係亞當同夏娃？呢樣野到亞當同夏娃醒覺既時候你地就會知道。』 

『同埋伊甸園既設計好特別。』 
『當然，位於高空之中，一般人正常黎講實會見到，但其實伊甸園係只有天使先會見到。而且伊甸園位置可以隨時改變，並唔會長期駐紮一個地方。』 

『另外，伊甸園既出現，亦都代表住嗰個時代既動盪不安，先會需要有伊甸園既樂土出現。』 

『而你地既出現，可能係巧合，亦都可能係注定。』