《萬物之靈》: 第四回 能力

『好啦，或者等我講解一下豪哥佢係高等三階天使既意思係咩。』
看來準備訓練我的是啊雪吧...真好。嘿嘿。

嗯。沒錯，當我決定留下來訓練的時候，豪哥便帶我去了另一個房間，內裡和先前看到的大致相同。
只是沒了那些家具、書櫃什麼的。只是一間頗為空曠的房間，什麼都沒有。

『一般黎講，你地未醒覺既，自然稱之為人類。』
『但當醒覺之後，亦會有佢地能力既差異。能力越高，等級越高。』
『而天使大致分為三等。初等、中等、高等。而每個等級入面，亦都分有唔同既階級。初等有十階，中等七階，高等四階。』





『由有記錄而黎，當今世上到依家只係出現過五個高等四階天使，而係高等四階以上，就係神者。』
『每個等級所附帶既能力，亦會隨住你等級上升而增加。每位天使都有佢地專屬既「技能」，而我，就係操縱水既中等六階天使。』
『能力方面，我比個例子你。當初我岩岩成為天使既時候，只係隱約可以將平靜既水「浪下浪下」咁。』
『至於依家。』

說罷，只見空氣中有一股氣流正慢慢湧向啊雪的手中。
不消半刻，那股氣流漸漸由虛變實，形成一把匕首的模樣。

『正話我就係用空氣中既水份，將佢結合成為左一把匕首。』啊雪還把匕首砍在地上以示這把匕首的確有攻擊作用。





『或者等我再講多少少身份上既差異比你聽。雖然醒覺左之後每位天使都有佢地自己既等級。』
『但係正如我頭先所講，能力會隨等級上升而增加威力。我地天使之間一直都相信，神者並唔係我地既終點。』
『神者之上，先會係真真正正既天使。莫講話真正既天使，連神者，咁耐以黎都好似未出現過。因此，假如真係有天使既出現，
我地相信天使既能力，同我地依家所講既神者，根本比較唔到。』

『講左咁多，有無問題？』

由剛剛開始我便一直聽著什麼等級什麼能力的。我心裡不禁在想，真的是打遊戲打到瘋了嗎...
「痴左線咩...唔通成件事係堅野？」可是，當我看見那把匕首，我心中不禁為之一震。





「你比我消化下成件事先，聽日先開始訓練得唔得？」

『隨便你。』

「如果成件事係真...我爸爸媽媽又係咁勁既話...或者我，都可以試下？」
我已經在家中準備睡覺的時候，又不禁在思考今天所發生的事。
這些如夢似幻的事...真的是我能遇到的嗎？

推動世界終結的齒輪，已慢慢地運作起來。

『好啦，既然你已經準備好，咁我地今日就開始訓練。』

今天的啊雪依然美麗啊...

『我地天使各自都有自己既能力，而你既，我相信仲未發掘到出黎。』




『或者我講下我發動能力要點做，你再跟住試下。』

才剛說完，我便感到附近的空氣開始變得冷了起來。

『當我發動我能力既時候，會感受到身體周圍既野都係到流動緊。當然啦，我係操縱水既天使，亦都只係可以控制水。』
『一般黎講，技能可以分為五大屬性，分別係金、木、水、火、土。一直以黎都好少見到有其他屬性既技能。』
『依家你試下？』

這時候的我，便打算嘗試感受一下啊雪所謂的流動。可是，先別說我什麼也感受不到。
流動，我的鼻水就真的瘋狂流動了...

轉眼間便結束了這天的訓練，我可是沒有任何得著的離開了。
順帶一提，我辦公室方面，由於我工作方面的問題，我那討厭的上司決定調我到另一座大樓上班。而那座大樓正在裝潢，大概也要下個月
才能正式上班。





離開的時候我和啊雪一起步出那座大樓，轉頭一看，外面看起來只是一座普通的大樓啊...
誰又會想到內裡存在著天使呢？

「篷...」突然耳邊傳來一陣火焰的聲音，不看還沒事，可是我回頭一看，竟是一個籃球大小的火球正迎面向著我和啊雪打來！
在這個時刻，體內一股暖流湧現，好像有火焰直接在燃燒我的身體一樣。但...並沒任何痛苦的感覺。
而且，還有點點溫暖，熟悉的感覺。

彷如本能一樣，我緩緩舉起右手，那火球就這樣在我和啊雪面前停了下來。
『源，你...』
那火球慢慢的降下，消失。
而我也失去了意識，倒下，暈厥。

在那暗角的小巷中。
『本來仲諗住偷襲佢地...失敗左唯有等下次既機會。』
說罷，小巷再次回復黑暗，沒有任何氣息。