[唔爛尾] 「搞笑] 「改編真人真事] 「愛情] 那個不能過海的男人: 第四章

星期日的電車路上發出只有香港島才有的叮叮聲響，阿 Pat由屈地街總站坐著往西灣河方向走的東行電車。電車轟隆轟隆的每站停，但阿 Pat沒有所謂，反正約了雞粉一個小時後在中環站過海，可以慢慢看一下街外的景色。 
「你今朝食咗藥未呀？我地今日要去闖關過海嚕喎。」 
 
「無喎，包藥都唔知放咗係邊。」 
 
「有冇搞錯呀？咁我地今日仲行唔行㗎？」 
 
「使乜驚喎，去七仔買枝紅牛，飲完乜都做到啦。」 
 
「是但啦！我分析過，過海隧道你係過唔到㗎啦，費事你係隧道裹面引發幽閉恐懼症。坐船過海又要搖十分鐘先過到去，最快都係地鐵兩分鐘掉你過對面海。」 




 
「你話點就點囉，我跟住你行㗎咋，我唔保證陣間會有咩發生喎。」 在港島到尖沙咀可以選擇從金鐘或中環站出發。前者在等車的時候，由港島線衝過來的乘客像喪屍穿過月台，加上車廂內很擁擠，很易激發雞粉的焦慮症。所以阿 Pat選擇了在中環總站上車，貪它是吉車，可以慢慢坐低等開車。 為了令雞粉分心，阿 Pat問：  「其實你鐘意咩類型嘅女仔？」 
「係男人都想要個 Stephy或者謝安琪既女朋友，但如果無嘅話，都要退而求其次。就攞對面個女仔做例呀，一杯啤酒啦。」 
 
「咩一杯啤酒呀？」 
 
「即係話要飲完一杯啤酒先覺得佢索。」 
 
「咁個個呢？」 
 




「個個？上咗年紀啲喎，四杯啦。」 
 
「嘩，個個好似 OK。」 
 
「呢個正，唔使飲呀，直接溝得落。」 阿Pat 一邊大笑，眼角留意著地鐵已經到油麻地。雞粉意猶未盡，開始侃侃而論不同的 IQ題目。 
其中一條是：「一個有趣而發人深省嘅問題：如果你阿爸同你男朋友調轉咗肉體，即係你男友嘅靈魂係你阿爸度，而你阿爸嘅靈魂係男友度，但係你要同其中一位搞野二十次先可以令佢變番正常，咁你會揀邊個？」 
 
「咩問題嚟㗎？可唔可以唔答呀？」阿 Pat面有難色，哭笑不得。「到旺角啦，跟住我嚟呀。」 
 
「呢度邊度嚟㗎？嘩旺角，死咯死咯，我地坐到咁遠，我會唔會死架？」 




 
「我地去又一城喎！最多城大靚女喎！個個都好似 YES 城市驚喜個版咁索喎。」阿 Pat鬼馬的引雞粉。 
 
「咁又係，咁遠水路嚟到，點都要「 Site」 visit 一下。」 
 
九龍塘C出口接駁到又一城的通道，人來人往，除了是到又一城購物的人外，其餘大部份都是城大的學生。 
 
「果然係人傑地靈，呢度啲妹妹仔個個都係 19歲。」 
 
「你地啲麻甩佬可唔可以唔好咁變態， 19 歲時又鐘意個 19歲， 30 歲時又話要揀個 19 歲，就算去到 60 勾又要話揀番個 19歲呀？」 
 
「你識條鐵咩，呢啲叫做專一！」 
 
出過隧道後，便是匯豐、萬寧、 Taste、奇華等商鋪。 雞粉看著左穿右插的電梯感到眼花瞭亂，那些電梯的表面是鏡面做，映出多一倍的嘈吵人群。 
「我唔得啦！我唔得啦！」雞粉大叫。 




 
「咁快唔得？求先仲好地地㗎，我同你去樓上火車站度透新鮮空氣呀！？」 嘩一聲，雞粉嘔到整地都是，一陣胃酸的味道刺鼻非常，引起現場小小的哄動，眾人厭惡的爭相走避。 最無奈的是，雞粉反了白眼見頭暈撲到阿 Pat身上，阿 Pat不夠力，兩個人停不了跌勢跣在雞粉的嘔哇物上，情況不可以更惡劣。