【重力甜】《我阿妹係咸濕CAFE女僕》（完）: 第八十四回b
「林子雪！
」我大叫。林子雪係雪雪個全名。雪雪聽到我咁嬲，即刻死死氣走返入黎，垂底頭，好似知道就快要比主人鬧既狗仔咁。「你打過你三家姐黎呀？」我話。「你睇下，佢傻下傻下咁而家，又流血呀
。」「我無呀！！」雪雪勁緊張。「我只係...唔小心比刀整親，同勒過佢條頸之嘛...」
「勒頸
？」我好大反應，即刻撥開小琪香氣四溢既頭髮，檢查佢條頸。好在，都只係紅左少少，又無乜大傷。「你係咪白痴？勒頸小琪分分鐘會腦缺氧死架
？」我話。腦缺氧，患者會突然頭暈，視力模糊，四肢無力，面色蒼白，心跳加快，大小便失禁甚至會失去意識。好彩既話，當個腦自己有返氧氣之後都會自己醒返，不過醒返之後有無後遺症，就真係唔知了。我同小琪檢查下，發現小琪視力真係有少少問題，佢唔係好見到我 ，只係靠聲音認到我。而且仍然四肢無力。
「你點整你三家姐？」我好嬲咁話。
「我...我頭先...」雪雪緊張到喊哂。「我頭先...把刀比三家姐整甩左....佢想執....我咪係後面用窗簾繩勒佢囉.....
」「你係咪痴左線？勒你家姐有金執呀？
」「嗚嗚嗚..
.」雪雪狂喊，即使喊得好慘我都唔會幫佢。「呀哥...」小琪開聲。「你唔好鬧雪雪住先...可唔可以幫我.....」
「你想飲水？起身？得，我幫你！」我即刻話。
「唔係呀..」小琪有點尷尬。「我諗我...瀨左...你可唔可以幫下我...」
大小便失禁！睇黎小琪腦缺氧真係唔係咁輕微！我準備即刻打999 call白車。不過小琪捉住我隻手阻止我。「小琪你..睇到野啦..？」我即刻好高興。
「你傻架？我無盲過
！」小琪開始有返精神！嗚嗚嚇死我啦。「快D幫下我啦張床單成陣臭味！！」雪雪都笑返，又笑又喊，因為佢無殺死小琪
「係係..即刻幫你！」我話。
原來情人節禮物係執屎，真係多謝兩個妹喇！！
