【重力甜】《我阿妹係咸濕CAFE女僕》（完）: 第二十一回
「林子琪！！
」我驚叫。靚靚女僕即刻嚇左一跳，然後垂底頭一粒聲都無出。因為林子琪，就係呢位化左妝既靚女女僕個名。
林子琪就係我二妹。嚴格d講佢同我一樣咁大年紀，佢同我係龍鳳胎，邊個出世先已經無人知啦。有人話我先，有人話佢先，不過默認都係我係大佢係細。細細個時，我地兩個都成日一齊玩，到到中學佢入左女校，我地就疏遠左。
後來唔知點解，佢個性格幾得好唔同，佢走去做左一排TB，grad左之後又鐘意返男仔，而家又留返長髮，都叫正正常常幾靚女啦。
佢讀書無我咁叻，唔知係咪比我吸哂d營養，中七之後就無讀大學，讀左兩年 VA asso就出左黎做野。
而家呢個情況既尷尬程度，可以話係僅次於老豆叫雞叫到自己個女。
我而家唔可以比二妹見到我扯住咁等女僕黎同我扑野...在在未羅出袋入面個0.03姐
「你....係度做咩？
」我問。 「返工囉。」子琪唔敢直望我。佢同我最近都無乜兩句。我都唔係好知點解，我同兩個家姐都好fd子，但同二妹小琪就真係唔多講野。
「你知唔知呢度係咩地方呀？
」我話。「女僕cafe囉。」 子琪嬲嬲。「女僕係日本文化，唔係你地男人既性幻想對像！」
我唔識答佢，因為佢講中左
。呢度明明只係女僕cafe，但係我暗地裡同兩個女僕做左d暗事...仲日丁夜丁想返黎扑多野女僕...呢個時候有人敲門，「主人我入黎啦~
」 詩韻入左黎，佢見到我同小琪兩個一粒聲都無出，個氣氛搞成咁，佢都唔敢出聲。
「呀...小琪你地....
」詩韻話。「我羅左個cake比你地..我自己整架，食得開心d..」 詩韻走之前細細聲同我講：「打比我
。」 講完佢就比左張紙仔我，寫住佢電話既。
我極速收埋張紙仔，繼續盤問小琪呢個衰女包。
「你點解會走左黎做女僕架？幾時既事呀？
」我仍然極驚訝，點解個妹做左女僕我都唔知。小琪深呼吸一口氣，開始冷靜返，以女僕既優雅姿勢坐底：「你先係呀...乜你鐘意女僕架咩..」
我口窒窒搵個辯護：「唔係...呀...不過...我想砌高達姐。
」但之後我好後悔我講左呢句野。
小琪有d嬲：「咁你d女朋友呢？Sophia呢？Catherine呢？Marie呢？仲有小靜呢？雯雯同Yuki呢？比佢地知道你自己黎同女仔孤男寡女就死得
。」 小琪一次過講哂我d女朋友名出黎
，點解佢會記得咁清楚，仲記得過我。我成日都會數漏Yuki 但點解唔係笑鳩我毒，而係覺得我會驚女朋友知咁奇怪 ？「你點可以拉埋佢地黎講，有d已經分左手啦！」 我望住地下，唔多望得慣小琪化妝個樣。
「你呃人
。」小琪一野就篤爆我講緊大話。