【重力甜】《我阿妹係咸濕CAFE女僕》（完）: 第十回

我忍唔住將女僕cafe既事講比朋友聽。

我有個朋友叫做「救世」，人稱救世哥。

救世同我好唔同，可以話係完全相反，係一個靚仔過我，但溝唔到女既小毒毒。

「喂救世，講d好野你聽。」我同救世講左邪惡cafe既事。佢好爽快咁就應承左今日上完個濕鳩prof堂之後就去見一見世面。

我四半堂一放學就搭校巴落山，拿拿聲去搵詩韻    ！



唔知點解我好想見到詩韻。成日上高登開post笑d雞蟲沉船，唔通我.....    

唔得，無可能既，我溝女無數唔會中招既！  

我只能咁同自己講。   

我去到女僕CAFE門口，腦入面果種衝動令我心頭亂跳。 

「詩韻..！..我想要詩韻！」我未等門口果個靚靚女僕出聲，我就已經講左出口。 



之後靚靚女僕講既說話簡真傷透我心。 

「詩韻佢..佢放假呀今日   。」 

我亂跳既心率，已經靜返。「咁帶我地入去座啦。」 

我同救世坐底左。女僕話：「請問客人想我點稱呼？主人，哥哥，定殿下？」 

睇得出呢個靚靚女僕非常有經驗，講野十分自然，但無平時果D懶可愛既聲線，仲有一種女神既感覺，救世即刻話：「殿下！」 



我話：「主人啦 。」=0.7rem0=0.7rem0