你愛我嗎: 撞鬼

曦哥：「喂！11月尾啦！月中就考試架啦！作為我既兄弟，成績梗係要見得人啦！今個weekend黎我屋企度假⛱️溫書！」

阿朗：「唔好玩野啦！溫唔溫都係咁架啦！」

曦哥：「我私人包宵夜，仲有ps4。係咪唔黎阿！」（怒啤阿朗）

阿朗：「okok無問題！」

放左學，我地各自翻屋企執行李+書。





曦哥突然whatsapp：「1800 朗豪等」

去到mk，得我一個，班契弟未黎！一行出地鐵站?，就聽到有架車響安，望一望，有架閃令令既benz長車停左係gap門口。我心唸：「屌你有錢大曬咩！嚇死朕啦！」

過左幾秒，架車又響安，我怒啤架車。點知，個司機落左車。拒著一身西裝，帶曬黑超?️，向住我li邊行。我淆底阿！

司機：「先生，要你久等，唔好意思阿。請上車。」

我好奇咁望住拒，拒話：「唔好意思，未自我介紹。我係藍路曦少爺派黎接閣下架。」





之後我就跟住拒上車。點解我會上車？因為曦哥咪藍路曦lol?。

個司機一打開門，哇屌！我咁大個仔都未見過咁豪華既車。我踏一步上車，座底左係張梳化度。我右邊突然有舊野申出黎，嚇死我！

睇真d，係部iPad黎架。我攞起左部iPad，部機突然開左，彈左曦哥個樣出黎！

曦哥：「快d啦等緊你地阿！」哇屌，真豪華?

過左5分鐘，班契弟whatsapp話：「邊度阿！」睇黎班契弟都估唔到呢架車係曦哥既。我就回覆拒地：「我而家落車接你地啦?」
富仔：「落車?？」





跟住我就唸著落車啦。我行埋度門度唸著開門。我一望：「屌！個手柄係邊度阿？」我試下掂度門，睇下係咪自動。

突然siri把聲：「如要開門，請使用平板電腦操控。」哇！咁撚高科技既?饒恕小弟見識淺...

接左班契弟上車，我地就出發去曦哥屋企。去到曦哥屋企，我地一d都無驚訝，因為我地去過?花園？用過啦。泳池？游過啦！

我地一入到去大宅，曦哥即刻叫我地溫書。仲以為會有大餐等緊我地?。

溫到11點，悶悶地，唸住出去行下，我地班兄弟咪一齊出去條街度散步咯。

行左15分鐘，我地去左一條路。果條路陰陰森森。突然間，我地見到有個女人系不遠處行緊過黎。

富仔：「哇！屌！鬼阿???」





我行近d...