[有沙入眼]是咁的，我嘅職業係幫想自殺嘅人寫遺書: 484.攬實

打開門，映入眼中嘅係我最熟悉嘅面孔

原來miki一早到左，只係企喺門口猶豫應唔應該入黎

佢著住一件白色背心，配上牛仔短裙，露出奶白色嘅肌膚

少少包包面上嘅五官仍然精緻吸引，帶幾分小朋友咁嘅可愛

但係第一次見面嗰陣嘅天真無邪同煩膠氣息都已經唔存在，取而代之嘅係陰鬱嘅表情





小朋友由心底散發出黎嘅悲傷，更加令人心痛

經過左咁多事，miki而家嘅寧靜反而刺痛我嘅耳膜

我知時光唔會倒流，但係我仍然好想再聽倒佢用把煩膠聲叫我個名，拉住我衫袖周圍走

我望向miki，佢對眼唔敢直視我，仲有左手揸緊右手手腕，可能係壓制緊第二人格

我伸手，捉住佢隻右手，拉左佢入屋





「哇！」miki有少少失平衡，叫左聲，成個身俟埋我度，好自然咁攬住左我條腰

「佢走出黎點算⋯⋯」

「我都照攬架喇。」

miki無我辦法，扮嬲咁哼左一聲