[有沙入眼]是咁的，我嘅職業係幫想自殺嘅人寫遺書: 482.因為我有你地

暫時抑制第二人格嘅方法，治療師話唔會次次有效，用得愈多，效力愈低，可以拖延嘅時間就愈短

佢叮囑我話，抑制始終係治標唔治本，叫我如果發現miki成日有異常的話就盡快聯絡佢

雖然治療師唔知我想做乜，但我心入面都好多謝佢嘅專業意見，可以令我安心

如果準備好哂所有野，咩都未做就比miki一野隊瓜我，就真係揼心口

為左防止miki連續見倒我而令壓制第二人格嘅方法無效，我叫左阿文代我比封遺書原稿miki

「miki抄完喇。」完成之後，阿文打黎通知我

「佢有啲唔好意思，可能因為無諗過你會話我知。」

社工姐⋯⋯姐？

我約好miki幾點邊度等，不過出現嘅係阿文，會驚訝都好正常

阿金講左你知？





嗯，要我代佢比封遺書你，睇住你抄

姐姐你唔阻止我自殺？

如果我今日嘅身份係社工，我會同你傾下，希望可以有機會打消你呢個念頭，但就算你最後仍然選擇自殺，我都會尊重你嘅決定

咁你今日嘅身份係咩？

只係你同阿金嘅朋友，所以更加尊重你地兩個嘅決定





阿文話，miki一邊抄封遺書，一邊好幸福咁笑，笑到自己喊緊都唔知

佢地兩個，分別之前攬埋一齊

多謝你⋯⋯社工姐姐⋯⋯一路以黎⋯⋯都好多謝你⋯⋯

傻妹，乖，姐姐喺度

阿文忍住眼淚，輕掃miki背脊

阿金喺同你約好嘅地方等你

「我唔會喊，我信你會救倒miki。」電話對面傳黎嘅，其實已經係忍緊唔喊嘅聲線

「機會幾細都好，我信你會得架⋯⋯」索鼻水嘅聲音





「所以⋯⋯」抽泣聲

「我唔會喊⋯⋯」

「會救倒。」我好堅定咁講

電話對面，靜左落黎

「因為我有你地幫手。」

「阿⋯⋯金⋯⋯」

「因為唔係獨自一個面對。」





深呼吸

多謝你地

距離miki自殺，已經進入最後倒數