[有沙入眼]是咁的，我嘅職業係幫想自殺嘅人寫遺書: 432.偏僻
本來我地係上我屋企，因為翻去嘅距離近啲，但係附近好似撞車，去我屋企會好塞車，於是就改左路上miki屋企
「咁今次就當你送我翻屋企啦！」
我必須講，miki屋企真係好偏僻，好偏僻！架車上左半山區仲要左轉右轉，喺我眼中條條山路都一樣，點解miki可以認倒路？
「到喇。」
雨仍然落得好大，我地架車喺一間半山獨立屋前嘅大閘停低
miki拎個遙控出黎開閘，揸架車入停車場
「真係好偏僻吓喎⋯⋯」
「係架，如果無車就咁行入黎，起碼半個鐘，我都淨係行過一次。」
嗰次，miki翻黎諗住殺死保釋緊嘅父母，當時佢未有車牌，亦無叫的士，自己一步一步行翻黎