[有沙入眼]是咁的，我嘅職業係幫想自殺嘅人寫遺書: 430.幸福嘅結局

我唔知miki心入面嘅殺人鬼幾時會醒，如果可以，我希望佢今生今世都一直長眠

而事實上，可以誘發佢出現嘅最後一個人，林伯都已經死左，我相信已經無其他人、事、物會再次令miki失控

此時此刻，我相信可以同miki行落去

我地上左叫極地時速嗰架無料到嘅「過山車」，等開車

望住前面，喺白雲後透現出嘅太陽光輝，又暖，又充滿希望





「miki。」

「嗯？」

「生日快樂。」

「嘿嘿，多謝。」

我錫左佢一啖，工作人員行過黎檢查安全設備





我地嘅手，靜靜放喺中間，勾住對方手指尾

開車，就好似衝向充滿光華嘅大團圓結局咁

如果時間可以停止

如果我地嘅故事真係有結局

我心入面向上帝祈禱，請你將時間停喺依一瞬間





請你容許我同miki，擁有呢個幸福嘅結局



-----------------------------------------

致希望happy end的巴絲打和讀者們：

小弟的結局不會因任何外力改變，你們可以在此停止閱讀。雖然不是真的結局，但你們可以把這節當成結局。看不看下去，選擇權在你們手中，如果你們覺得這樣的結局就夠，那麼，在分別前，請容我在此感謝你們陪了我這麼長的時間。

謝謝你們。

而決定看下去的讀者，不好意思，你們還要多陪我一些日子，雖然有些任性，也請你們陪我見證這個故事的結局。

回香港後繼續更新，想即時知道我何時更新，請按追稿