[有沙入眼]是咁的，我嘅職業係幫想自殺嘅人寫遺書: 411.細語

唔止流產，仲發現有子宮頸癌，同埋隨住年齡增長而急速退化嘅大腦功能

淨係聽，都覺得痛苦

「報應翻喺自己身上，永遠唔夠報喺最愛嘅人身上咁痛苦。」林伯眼白白睇住阿娟消瘦，雙眼失去光彩

「好痛⋯⋯好痛⋯⋯好痛⋯⋯」大腦機能退化到只係記得少少詞語嘅阿娟，喺死前一日，細細聲自言自語

林伯捉住阿娟隻手





阿娟微微側頭望下林伯，然後望翻天花板

「好痛⋯⋯好痛⋯⋯好痛⋯⋯」

直到斷氣，都只係重複講「好痛」，根本無在意過喺身邊陪佢嘅男人係邊個

「嗶一一」

最後，阿娟嘅細語，比機器嘅提示音掩蓋