[有沙入眼]是咁的，我嘅職業係幫想自殺嘅人寫遺書: 407.會等我

雖然表白左，但係仲未一齊，我只係承認自己嘅感覺

「我地都比啲時間大家。」我同miki咁講：「等我處理埋而家個客，再搵你。」

佢話，會等我

嗰日之後，屋企人嘅屍體就無再出現，詳細嘅原因係點連我自己都唔清楚

只係單純咁，無再浮現出黎





我再次約林伯喺同一個地方見面

今次，就係斬斷悲劇連鎖嘅時候

「嗰日我咁叫你走，唔好意思。」

「唔緊要⋯⋯係喇，你同美琪係咩關係？」

「朋友。」





「係⋯⋯呀⋯咁請你好好照顧佢⋯⋯」

一切，都會喺林伯自殺之後落幕