[有沙入眼]是咁的，我嘅職業係幫想自殺嘅人寫遺書: 405.拖手

漫無目的咁行吓行吓，都唔知係我跟住miki定佢跟住我，總之我地竟然行左去百老匯電影中心

「原來呢度有間戲院。」

miki行去啲廣告牌度睇：「啲戲都未聽過嘅？」

「呢度通常播啲冷門嘅藝術電影。」以前同金弦睇，好多時都唔明啲電影講乜，睇到訓著

係一個有回憶嘅地方

只係，而家行入戲院，都再見唔翻金弦

我隨便望下入面嘅放映時間表，距離下一場仲有成個鐘，於是我就拉翻miki出去

「走咯。」

出到去，我發現，miki拖實左我隻手