[有沙入眼]是咁的，我嘅職業係幫想自殺嘅人寫遺書: 391.太天真

翻到屋企，久違一個月，就去信箱拎信

除左幾張水電媒公司叫我交錢嘅信，其他都係唔重要嘅廣告

實在太懶，就算唔係去左北京，平日我都係一個月先清一次信箱，搞到成日比人罰交附加費

入到屋，隨手丟哂啲信喺飯枱，連行李都唔執，沖個涼就訓

訓醒嘅時候已經係星期四下午，睇黎我真係好攰





唔知係好彩定唔好彩，一開電話就發現有個號碼搵我，話想寫遺書，問我可唔可以幫佢

我地約好聽日喺油麻地美都餐室等

當然我本來係諗住唔同miki講，但第二日我先知自己太天真

一落到街，已經見倒miki架車

「哼哼，你走唔甩喇。」





無視無視⋯搭地鐵

「嗚呀！我等左你三粒鐘架！好賤呀扮睇唔倒！」miki落車，成個人U字型咁由隔離飄移產去我面前截住我